“නිහතමානී අය පොළොව උරුම කරගන්නෝය”
අද ගොඩක් අය අසාධාරණකම්වලට මුහුණ දෙනවා. දුෂ්ට අය නිසා අහිංසක මිනිසුන් පීඩා විඳිනවා. අසාධාරණකම් නැති, දුෂ්ටකම් නැති කාලයක් කවදා හරි එයිද?
බයිබලයේ ගීතාවලිය 37වෙනි පරිච්ඡේදයෙන් ඒකට උත්තරේ දැනගන්න පුළුවන්. මේ කාලෙදීත් ඒ දේවලට හොඳින් මුහුණ දෙන්න පුළුවන් කොහොමද කියලා ඒකේ සඳහන් වෙනවා.
අපිට පීඩා කරන අයත් එක්ක කටයුතු කරන්න ඕනෙ කොහොමද?—1, 2වෙනි පද බලන්න.
නපුරු මිනිසුන්ට මොනවා වෙයිද?—10වෙනි පදය බලන්න.
හොඳ දේවල් කරන අයට අනාගතයේදී මොන වගේ කාලයක් ලැබෙයිද?—11, 29වෙනි පද බලන්න.
අපි දැන් කරන්න ඕනෙ මොනවාද?—34වෙනි පදය බලන්න.
“යෙහෝවා දෙවි කෙරෙහි බලාපොරොත්තු තබා ඔහුගේ මාවතේ දිගටම ගමන් කරන” අයට දීප්තිමත් අනාගතයක් ලැබෙනවා කියලා ගීතාවලිය 37වෙනි පරිච්ඡේදයේ සඳහන් වෙනවා. ඔයාගෙත් ඔයාගේ පවුලේ අයගෙත් අනාගතය සුරක්ෂිත එකක් කරගන්න පුළුවන් විදිහ ගැන ඔයාට කියලා දෙන්න යෙහෝවා දෙවිගේ සාක්ෂිකරුවන් කැමතියි.