හැමෝටම කවදා හරි මරණයට මුහුණ දෙන්න වෙනවා. කෙනෙක් මැරුණාට පස්සේ එයාගේ ජීවිතේ එතැනින් ඉවරද? ඒ කෙනාව සදහටම අමතක වෙලා යනවාද? ඒ කෙනාට නැවත ජීවත් වෙන්න ලැබෙයිද?

මැරුණු අයව අමතක කරලා නැහැ

‘සොහොන් ගෙවල්වල සිටින සියලුදෙනාම නැවත නැඟිටීමක් ලබනවා.’—යොහන් 5:28, 29.

මැරුණු අය දෙවියන්ගේ මතකයේ ඉන්නවා. ඔහු ඒ අයට අනිවාර්යයෙන්ම නැවත ජීවිතය ලබා දෙනවා.

මැරුණු අයට මේ පොළොවේ නැවත ජීවත් වෙන්න ලැබෙනවා

‘ධර්මිෂ්ඨ අය වගේම අධර්මිෂ්ඨ අයත් නැවත නැඟිටිනවා.’—ක්‍රියා 24:15.

දෙවියන් බිලියන ගාණක්ව නැවත නැඟිටුවලා සාමයෙන්, සතුටින්, සදහටම පොළොවේ ජීවත් වෙන්න එයාලට අවස්ථාව ලබා දෙනවා.

නැවත නැඟිටීම ගැන දෙවියන් දීලා තියෙන පොරොන්දුව විශ්වාස කරන්න පුළුවන්

“[දෙවියන්] තාරකා සියල්ල ගණන් කරන්නේය. ඒ එක් එක් තාරකාවන් ඔහු, නම් වශයෙන් හඳුන්වන්නේය.”—ගීතාවලිය 147:4.

දෙවියන්ට හැම තාරකාවකම නම මතකයි නම් නැවත නැඟිටුවන්න යන අයව මතක තියාගන්න එක ඔහුට එච්චර දෙයක් නෙමෙයි.