දැනුම. සෞඛ්‍ය පිළිබඳව දැනුවත් කිරීමට පොත් පත් සහ විවිධ සෞඛ්‍ය සේවාවන් බොහොමයක් තිබෙනවා. ඒවායින් ප්‍රයෝජන ගන්න. ඔබ ලබාගන්නා දැනුම මගින් ඔබේ ශරීර සෞඛ්‍ය වඩා යහපත් අතට හරවාගැනීමට ඔබට හැකි වෙයි. ඒ වෙනුවෙන් යම් වෙනස්කම් කිරීමට අවශ්‍ය නම් ඒ ගැන දෙවරක් හිතන්න එපා.

ඔබ ළඟ ඇති යහපත් පුරුදු ඔබට පමණක් නොව ඔබේ දරුවන්ටත් දරුවන්ගේ දරුවන්ටත් ප්‍රයෝජනවත් වෙයි. උදාහරණයකට ඔබ පෝෂ්‍යදායි ආහාර, පිරිසිදුකම, විවේකය, ව්‍යායාම්, රෝග වළක්වාගැනීම වැනි දේ ගැන සැලකිලිමත් වෙනවා නම් ඔබ මෙන්ම ඔබේ දරුවන්ද නිරෝගීව සිටින අතර ඔවුන් ඔබේ ආදර්ශයද අනුගමනය කිරීමට පෙලඹෙයි.—හිතෝපදේශ 22:6.

අදාළ කරගැනීම. සමහර අයට බරපතළ සෞඛ්‍ය ගැටලු තිබුණත් ඔවුන් අවශ්‍ය වෙනස්කම් කරන්න පෙලඹෙන්නේ නැහැ. ඒ වගේම නරක පුරුද්දක් අත්හැරීම ලෙහෙසි දෙයක් නොවෙන්න පුළුවන්. නමුත් අවශ්‍ය වෙනස්කම් කිරීමට ඒ ගැන සිතීම පමණක් ප්‍රමාණවත් නැහැ. ඒ වෙනුවට යම් ක්‍රියාමාර්ග ගැනීම අවශ්‍යයි. එවැනි ක්‍රියාමාර්ග ගැනීමට ඔබව පොලඹවන්නේ කුමක්ද? ප්‍රේමයයි.

ඔබට, අන් අයට උපකාර කරන්න හැකි වන්නේ ඔබ නිරෝගීව සිටියොත් පමණයි. උදාහරණයකට විවාහක යුවළකට එකිනෙකාට උපකාර කිරීමට, දෙමාපියන්ට දරුවන්ට උපකාර කිරීමට, දරුවන්ට වයසක දෙමාපියන්ව රැකබලා ගැනීමට හැකි වන්නේ නිරෝගීව සිටියොත් පමණයි. එවැනි නිරෝගී කෙනෙක් සමාජයට දයාදයක් වෙනවා මිස කිසිවිටෙක සමාජයට බරක් වෙන්නේ නැහැ. මේ දේවල් කිරීමට නම් ඔබ ඔබටත් අන් අයටත් ප්‍රේම කිරීම අවශ්‍යයි.

ඒ සියල්ලටම වඩා ඔබ දෙවිට ප්‍රේම කරන කෙනෙක් නම් නිරෝගීව සිටීම ගැන මීටත් වඩා උනන්දු වෙනවා. ඊට හේතුව දෙවි දී තිබෙන ජීවිතය ඔබ ඉතා අගය කොට සැලකීමයි. (ගීතාවලිය 36:9) අනික් අතට ඔබ නිරෝගී කෙනෙක් නම් දෙවිට හොඳින් සේවය කිරීමටත් ඔබට හැකි වෙයි.