කාන්තා හිංසනය “අද ලෝකය පුරාම තියෙන ගැටලුවක්. කාන්තාවන්ගෙන් සියයට 35ක් විතර විවාහ සහකරුගෙන් හෝ වෙන කෙනෙකුගෙන් හිංසනයට ලක් වෙනවා. ඉන් සියයට 30ක්ම හිංසනයට ලක් වෙන්නේ තමන්ගේ සහකරුගෙන්” කියලා ලෝක සෞඛ්‍ය සංවිධානය (WHO) වාර්තා කරනවා.

සමීක්ෂණයකදී 64,303දෙනෙක්ගෙන් සියයට 79ක්ම කිව්වේ “ලෝකය පුරාම ප්‍රශ්න ගැටලු වැඩි වෙන්න ප්‍රධාන හේතුව ආගම” කියලයි. 2001දී එංගලන්තයේ සහ වේල්ස්වල ක්‍රිස්තියානීන්යයි කියාගන්නා අය සියයට 72ක් හිටියත් 2011දී එය සියයට 59ක් දක්වා අඩු වෙලා කියලා තවත් සමීක්ෂණයකින් හෙළි වුණා. ඒ කාල වකවානුවේදීම කිසිම ආගමක් අදහන්නේ නැති අයගේ ගණන සියයට 15 සිට සියයට 25 දක්වා වැඩි වෙලා.

වැඩිහිටි දරුවන්, තම වයසක දෙමව්පියන්ව බලන්න යන්න ඕනේ කියලත් ඔවුන්ගේ හැඟීම් ගැන සැලකිලිමත් වෙමින් කටයුතු කරන්න ඕනේ කියලත් නීතියක් පනවා තියෙනවා කියා මාධ්‍ය වාර්තාවල සඳහන් වෙනවා. ඒත් ඒ වාර්තාවලට අනුව එහෙම නොකරන අයට “ලැබෙන දඬුවමක් ගැන නීතියේ සඳහන් වී නැහැ.”

රූපලාවන්‍ය ද්‍රව්‍ය, විෂබීජ නාශක සහ ආහාර ද්‍රව්‍ය වැනි එදිනෙදා භාවිත කරන දේවල් නිපදවන්න ජාවාරම්කරුවන් ප්‍රමිතියෙන් බාල ද්‍රව්‍යයන් යොදාගන්නවා. ආහාරවල ප්‍රමිතිය ගැන සොයා බලන ආයතනයක ප්‍රධානියෙක් කිව්වේ “ඒ තරම් වටිනාකමක් නැති ආහාර ද්‍රව්‍ය පවා බාල කරලා තියෙනවා” කියලයි. සංවර්ධිත රටවල ආහාර ද්‍රව්‍යවලින් සියයට 10ක්ම ප්‍රමිතියෙන් බාල ඒවා කියා විද්වතෙක් සොයාගෙන තියෙනවා.