යෙහෝවා දෙවියන් නිර්මාණය කරපු දේවදූතයන්ගෙන් එක් කෙනෙක් දෙවිගෙන් ඈත් වුණා. යක්ෂයා බවට පත් වුණේ ඒ දේවදූතයයි. එයා විහින්ම යක්ෂයා බවට පත් වුණ නිසා යක්ෂයාව නිර්මාණය කළේ යෙහෝවා දෙවියන් නෙමෙයි. යක්ෂයා බවට පත් වෙන්න කලින් ඔහු විශ්වාසවන්ත දේවදූතයෙක් විදිහට හිටියා කියලා යේසුස් කියපු දේකින් පැහැදිලි වෙනවා.—යොහන් 8:44 කියවන්න.

යක්ෂයා දෙවිගෙන් ඈත් වුණාට පස්සේ මුල්ම මිනිස් යුවළවත් දෙවිගෙන් ඈත් කරන්න පියවර ගත්තා. ඒ විදිහට ඔහු දෙවියන්ට විරුද්ධව වැඩ කරන්න පටන්ගත්ත නිසා ඔහුව සාතන් කියලත් හඳුන්වනවා.—උත්පත්ති 3:1-5; එළිදරව් 12:9 කියවන්න.

ඒ දේවදූතයා නොමඟ ගියේ ඔහුගේ හිතේ ඇති වුණු වැරදි ආසාවක් පාලනය කරගත්තේ නැති නිසයි. දෙවියන්ට ලැබුණු නමස්කාරය තමාට ලබාගන්න ඔහුට ආසාවක් ඇති වුණා. ඒ ආසාව ඔහුගේ හිතේ කොච්චර ප්‍රබලව තිබුණාද කියනවා නම් දෙවියන්ට විශ්වාසවන්තව ඉන්නවට වඩා ඒ ආසාව ඉටු කරගන්නයි ඔහුට ඕන වුණේ.—මතෙව් 4:8, 9; යාකොබ් 1:13, 14 කියවන්න.

අද දින සාතන් මිනිසුන්ව දෙවිගෙන් ඈත් කරන්නේ කොහොමද? ඔයා සාතන්ට භය වෙන්න ඕනද? ඒ ප්‍රශ්නවලට උත්තර ඔයාට බයිබලෙන් දැනගන්න පුළුවන්.