Skip to content

පටුනට යන්න

alfa27/stock.adobe.com

සිහි කිරීමට ආරාධනා කරමු

යේසුස් අපරාධවලට තිත තියයි!

යේසුස් අපරාධවලට තිත තියයි!

 අපරාධ සහ අයුක්තිසහගත දේවල්වලට මූණ දෙද්දී දැනෙන වේදනාව කොච්චරද කියලා යේසුස් දන්නවා. මොකද ඔහුත් බොරු චෝදනාවලට, පහර කෑම්වලට, අසාධාරණ නඩු තීන්දුවකට සහ හරිම වේදනාකාරී මරණයකට මූණ දුන්නා. ඔහු කිසිම වරදක් කළේ නැතත් “බොහෝදෙනෙකුව මුදවාගැනීම සඳහා තම ජීවිතය” කැමැත්තෙන්ම පූජා කළා. (මතෙව් 20:28; යොහන් 15:13) දැන් දේවරාජ්‍යයේ රජ වෙලා ඉන්න යේසුස් ළඟදීම පොළොවේ සිද්ධ වෙන අයුක්තියට සහ අපරාධවලට සදහටම තිත තියනවා.—යෙසායා 42:3.

 යේසුස් මේ පොළොව පාලනය කරද්දී ඒක මොන වගේ තැනක් වෙයිද කියලා බයිබලේ කියනවා:

  •   “තව කෙටි කලකින් දුෂ්ටයා නැති වී යන්නේය. ඔබ ඔහුව සෙව්වත් ඔහුව සොයාගැනීමට නොහැකි වන්නෙහිය. නමුත් නිහතමානී අය පොළොව උරුම කරගන්නෝය. දසත පැතිරී තිබෙන සාමය නිසා ඔවුහු මහත් සේ ප්‍රීති වන්නෝය.”—ගීතාවලිය 37:10, 11.

 යේසුස් අපි වෙනුවෙන් කරලා තියෙන සහ කරන්න යන හැම දේකටම අගය පෙන්නන්න අපිට පුළුවන් කොහොමද? ලූක් 22:19 යේසුස් ඔහුගේ අනුගාමිකයන්ට කිව්වා ඔහුගේ මරණය සිහි කරන්න කියලා. ඒ නිසයි යෙහෝවා දෙවිගේ සාක්ෂිකරුවන් හැම අවුරුද්දකම යේසුස්ගේ මරණය සිහි කරන්න එකතු වෙන්නේ. 2024 මාර්තු 24 ඉරිදා ඒ අවස්ථාවට සහභාගි වෙන්න කියලා අපි ඔයාටත් ආරාධනා කරනවා.

සිහි කිරීම පවත්වන තැනක් දැනගන්න