සොදොම් නුවරින් පලා යද්දී ලොත්ගේ බිරිඳ හැරිලා බැලුවේ ඇයි? අපි හරියටම දන්නේ නැහැ. (උත් 19:17, 26) යේසුස් කියපු දෙයින් අපිට හිතන්න පුළුවන් එයා එහෙම කළේ දාලා ආපු දේවල් ගැන එයාට ලොකු ආසාවක් ඇති වුණු නිසයි කියලා. (ලූක් 17:31, 32) දෙවිගේ අනුමැතිය නැති කරගත්ත ලොත්ගේ බිරිඳ වගේ නොවී ඉන්න නම් අපි කරන්න ඕනෙ මොනවාද? ධන සම්පත් හොයන එකට ජීවිතයේ මුල් තැන දෙන්න හොඳ නැහැ. (මතෙ 6:33) යේසුස් කිව්වා “ස්වාමිවරුන් දෙදෙනෙකුට දාසයෙක් වෙන්න කිසිවෙකුටවත් බැහැ” කියලා. (මතෙ 6:24) ධන සම්පත් හොයන්න ගිහින් නමස්කාර කටයුතුවලට මුල් තැන දෙන්න බැරි වෙලා තියෙනවා කියලා දැනුණොත් මොකද කරන්නේ? කරන්න ඕන වෙනස්කම් හඳුනාගන්නත් ධෛර්යවන්තව ඒ වෙනස්කම් කරන්නත් දෙවිගෙන් උදව් ඉල්ලන්න ඕනේ.

කොටස් තුනකින් යුත් ‘ලොත්ගේ බිරිඳට වුණ දේ අමතක කරන්න එපා’ කියන වීඩියෝ එකෙන් මේ ප්‍රශ්නවලට උත්තර දෙන්න.

• සල්ලි හොයන්න ආපු පීඩනය නිසා ග්ලෝරියා හිතන, කතා කරන, වැඩ කරන විදිහ වෙනස් වුණේ කොහොමද?

• ලොත්ගේ බිරිඳට වුණු දෙයින් අපිට ඉගෙනගන්න පුළුවන් පාඩම මොකක්ද?

• බයිබල් ප්‍රතිපත්ති අදාළ කරගත්ත එක ජෝන්ටත් පවුලේ අයටත් උදව් වුණේ කොහොමද?

• රැකියා ස්ථානයේ අයගේ ආශ්‍රය ඇනාට බලපෑවේ කොහොමද?

• සල්ලිවලට මුල් තැන දෙන්න එන බලපෑම්වලට අහු නොවී ඉන්න ධෛර්යය ඕනෙ ඇයි?

• ආපහු දෙවිට මුල් තැන දෙන්න බ්‍රයන්ටත් ග්ලෝරියාටත් උදව් වුණේ මොනවාද?

• මේ වීඩියෝ එකෙන් කාවද්දපු බයිබල් ප්‍රතිපත්ති මොනවාද?