8:6-9, 12; 9:1-5, 23, 24

පූජකයන් විදිහට අලුතින් පත් වුණු ආරොන් සහ එයාගේ පුතාලා මුල්ම වතාවට ඔප්පු කරපු දවන පූජාව යෙහෝවා දෙවියන් ස්වර්ගයෙන් ගින්නක් එවලා දවා දැමුවා. දෙවියන් ඒකෙන් පෙන්නුවේ ඒ සැලැස්මට ඔහුගේ අනුමැතිය සහ ආශීර්වාදය තියෙනවා කියලයි. යෙහෝවා දෙවියන් එහෙම කරපු නිසා ඒ සිද්ධිය දැකපු අනිත් ඊශ්‍රායෙල්වරුන් පූජකයන්ට එයාලගේ උපරිම සහයෝගය දෙන්න පෙලඹුණා. දැන් යෙහෝවා දෙවියන් ශ්‍රේෂ්ඨ උත්තම පූජකයා විදිහට පත් කරලා තියෙන්නේ යේසුස් ක්‍රිස්තුස්වයි. (හෙබ්‍රෙ 9:11, 12) යේසුස් 1919දී අභිෂේක ලත් කුඩා පිරිසක්ව “විශ්වාසවන්ත නුවණ ඇති දාසයා” විදිහට පත් කළා. (මතෙ 24:45) විශ්වාසවන්ත නුවණ ඇති දාසයාට යෙහෝවා දෙවියන්ගේ ආශීර්වාදය, අනුමැතිය සහ උපකාරය තියෙනවා කියලා කියන්න තියෙන සාක්ෂි මොනවාද?

• මොන තරම් විරුද්ධවාදිකම්වලට මුහුණ දෙන්න සිද්ධ වුණත් විශ්වාසවන්ත නුවණ ඇති දාසයා අපේ විශ්වාසය ශක්තිමත් කරගන්න අවශ්‍ය හැම දෙයක්ම දිගටම සපයමින් ඉන්නවා

• බයිබලයේ කලින්ම කියලා තිබුණු විදිහට ශුභාරංචිය දේශනා කරන එක “ජනාවාස වූ මුළු පොළොව පුරාම” සිද්ධ වෙනවා.—මතෙ 24:14

විශ්වාසවන්ත නුවණ ඇති දාසයාට අපේ උපරිම සහයෝගය දෙන්න පුළුවන් කොහොමද?