‘ඔබට ලැබුණේ නොමිලේ. ඒ නිසා නොමිලේම දෙන්න’ කියලා යේසුස් කිව්වා. (මතෙ 10:8) ඒ නිසා බයිබලයක් හරි ඒ මත පදනම් ප්‍රකාශනයක් හරි අනිත් අයට දෙද්දී අපි සල්ලි ගන්නේ නැහැ. (2කොරි 2:17) හැබැයි අපේ ප්‍රකාශනවල තියෙන්නේ දෙවිගේ වචනයේ තියෙන වටිනා සත්‍යයන් කියලා අපි මතක තියාගන්න ඕනේ. ඒවා මුද්‍රණය කරන්න, ලෝකේ පුරාම තියෙන සභාවලට යවන්න ලොකු මුදලක්, ශ්‍රමයක් වැය වෙනවා. ඒ නිසා අපි ගන්න ඕනෙ අපිට අවශ්‍ය ප්‍රමාණය විතරයි.

පොදු සේවයේදී හරි වෙන ඕනෙම අවස්ථාවකදී හරි අනිත් අයට අපේ ප්‍රකාශන දෙද්දී ඥානවන්ත වෙන්න. (මතෙ 7:6) දකින දකින හැමෝටම ප්‍රකාශන දෙනවා වෙනුවට එයාලා ඇත්තටම ඒක කියවන්න කැමතිද කියලා දැනගන්න. කොටුවේ තියෙන එක ප්‍රශ්නයකට හරි ඔව් කියලා උත්තර දෙන්න පුළුවන්ද කියලා බලන්න. කෙනෙක්ට උනන්දුවක් තියෙනවද නැද්ද කියලා හරියටම තේරුම්ගන්න බැරි නම් එයාට පත්‍රිකාවක් දෙන එක තමයි හොඳම දේ. ඒත් එයා සඟරාවක් හරි ප්‍රකාශනයක් හරි ඉල්ලුවොත් අපි සතුටින් ඒක දෙන්න ඕනේ.—හිතෝ 3:27, 28.