ඒක වැදගත් ඇයි? කෙනෙක්ගේ හිතේ තියෙන සිතුවිලි “ගැඹුරු ජලය” වගේ. (හිතෝ 20:5) එයාගෙන් අහන ප්‍රශ්න ඒ ජලය එළියට ඇදගන්න උදව් වෙන බාල්දියක් වගේ. කෙනෙක්ගෙන් ප්‍රශ්නයක් අහද්දී එයාව සාකච්ඡාවට හවුල් කරගන්න පුළුවන්. ඒකෙන් එයාගේ හිතේ තියෙන දේත් එළියට එනවා. යේසුස් දක්ෂ විදිහට ප්‍රශ්න ඇහුවා. අපි ඔහුව ආදර්ශයට ගන්න ඕනේ.

ඒක කරන්නේ කොහොමද?

• හිතන විදිහ දැනගන්න ප්‍රශ්න අහන්න. ගෝලයන්ගේ හිතේ තිබුණු දේවල් දැනගන්න යේසුස් ප්‍රශ්න ඇහුවා. (මතෙ 16:13-16; be 238 4-6¶) කෙනෙක්ගේ හිතේ තියෙන දේ දැනගන්න අහන්න පුළුවන් ප්‍රශ්න මොනවාද?

• හරි අවබෝධය ලබා දෙන්න උදව් වෙන ප්‍රශ්න අහන්න. පේතෘස්ට හරි විදිහට හිතන්න උදව් කරන්න යේසුස් එයාගෙන් ප්‍රශ්න කිහිපයක්ම ඇහුවා. (මතෙ 17:24-26) කෙනෙක්ට හරි දේ තේරුම්ගන්න උදව් කරන්න ඔයාට අහන්න පුළුවන් ප්‍රශ්න මොනවාද?

• දීපු උත්තරය අගය කරන්න. නීතිය පිටපත් කරන කෙනෙක් බුද්ධිමත්ව උත්තර දුන්නාම යේසුස් එයාව අගය කළා. (මාක් 12:34) ඔයා අහන ප්‍රශ්නයකට කෙනෙක් උත්තර දුන්නාම එයාව අගය කරන්න පුළුවන් කොහොමද?

‘යේසුස් කළා වගේ කරන්න—උගන්වන්න’ කියන වීඩියෝ එකේ පළවෙනි කොටස පෙන්වලා මේ ප්‍රශ්න අහන්න.

• උගන්වපු තොරතුරු හරි වුණත් උගන්වපු විදිහ වැරදියි කියලා කියන්නේ ඇයි?

• නිකම්ම තොරතුරු පැහැදිලි කරනවාට වඩා වැඩි දෙයක් අපි කරන්න ඕනෙ ඇයි?

වීඩියෝ එකේ දෙවෙනි කොටස පෙන්වලා මේ ප්‍රශ්න අහන්න.

• ඒ සහෝදරයා දක්ෂ විදිහට ප්‍රශ්න ඇහුවේ කොහොමද?

• එයා උගන්වපු විදිහෙන් අපිට ඉගෙනගන්න පුළුවන් තවත් දේවල් මොනවාද?