අපි ඉන්නේ “අවසාන කාලයේ” අන්තිම දවස්වල නිසා එන්න එන්නම ප්‍රශ්න ගැටලු වැඩි වෙනවා කියලා අපි දන්නවා. (2තිමෝ 3:1; nwtsty මතෙ 24:8 “දරුණු විපත්” සටහන) විපතකට මුහුණ දෙද්දී ඒ තත්වෙට ගැළපෙන, ජීවිතය බේරගන්න උදව් වෙන මඟ පෙන්වීම් අපිට ලැබෙනවා. විපතකට මුහුණ දෙන වෙලාවකදි අපේ ජීවිතය බේරෙන්නේ යෙහෝවා දෙවියන් එක්ක තියෙන බැඳීම ශක්තිමත් කරගන්නත් අවශ්‍ය දේවල් සූදානම් කරගන්නත් අපිට ලැබෙන මඟ පෙන්වීම්වලට දැන් අපි කීකරු වුණොත් විතරයි.—ලූක් 16:10.

• දෙවියන් එක්ක තියෙන බැඳීම ශක්තිමත් කරගන්න. බයිබලය කියවන එක, පෞද්ගලික අධ්‍යයනය පුරුද්දක් කරගන්න. එක එක ක්‍රමවලින් සාක්ෂි දරන්න ඉගෙනගන්න. ටික කාලෙකට සභාවේ අයගෙන් වෙන් වෙන්න වුණොත් කලබල වෙන්න එපා. (යෙසා 30:15) මොකද ඔයාව යෙහෝවා දෙවියන්ගෙන්, යේසුස්ගෙන් වෙන් කරන්න කිසිම දේකට බැහැ.—od 175 15-17¶

• අවශ්‍ය දේවල් සූදානම් කරගන්න. ආපදා මල්ලක් ලෑස්ති කරගන්නවාට අමතරව කෑම, වතුර, බෙහෙත් වගේ දේවල් ටිකක් වැඩිපුර ගෙනත් තියාගන්න. හදිස්සියේවත් ඔයාට එක තැනකට කොටු වෙලා ටික කාලෙකට ඉන්න වුණොත් ඒවා ප්‍රයෝජනවත් වෙයි.—හිතෝ 22:3; g17.5 4, 6

‘ස්වාභාවික විපතකට මුහුණ දෙන්න ඔයා සූදානම්ද?’ කියන වීඩියෝ එක බලලා මේ ප්‍රශ්නවලට උත්තර දෙන්න.

• විපතකදී දෙවියන් එක්ක තියෙන බැඳීම අපිට උදව් වෙන්නේ කොහොමද?

• අපි මේ දේවල් කරන්න ඕනෙ ඇයි?

  • වැඩිමහල්ලන් එක්ක හොඳ අදහස් හුවමාරුවක් තියාගන්න එක

  • ආපදා මල්ල ලෑස්ති කරගන්න එක

  • ඇති වෙන්න පුළුවන් විපත් ගැනත් එහෙම වුණොත් කරන්න ඕන දේවල් ගැනත් කලින්ම කතා කරගන්න එක

• විපතකදී අනිත් අයට උදව් කරන්න පුළුවන් ක්‍රම තුනක් මොනවාද?

මේ ගැන හිතන්න. ‘විපතකට සූදානම් වෙලා ඉන්න එක ගැන කොරෝනා වසංගතයෙන් මං ඉගෙනගත්තේ මොනවාද?’