9:1-7

යේසුස්ගේ පෙනුම සම්පූර්ණයෙන්ම වෙනස් වුණු වෙලාවේ තමන්ගේ පියාණන් ‘මේ මගේ ප්‍රේමණීය පුතා’ කියලා කියනවා ඇහෙද්දී යේසුස්ට කොහොම හැඟෙන්න ඇද්ද! ඉදිරියේදී විඳින්න වෙන දරුණු පීඩාවලට ශක්තිමත්ව මුහුණ දෙන්න යේසුස්ට ඒක අනිවාර්යයෙන්ම උදව් වෙන්න ඇති. පේතෘස්ටත් යාකොබ්ටත් යොහන්ටත් ඒ සිද්ධිය කවදාවත් අමතක වුණේ නැතුව ඇති. යේසුස් ගැලවුම්කරු කියලත් දිගටම ඔහුට ඇහුම්කන් දෙන්න ඕනෙ කියලත් එයාලට හොඳින්ම තහවුරු වුණා. අවුරුදු 32කට පස්සෙත් ඒ සිද්ධිය ගැන මතක් කරපු පේතෘස් “අනාවැකි මාර්ගයෙන් පවසා ඇති දේවල්” තවත් තහවුරු කරගන්න ඒක එයාට උදව් වුණා කියලා කිව්වා.—2පේතෘ 1:16-19.

ඒ දර්ශනය දැක්කේ නැති වුණත් ඒකේ ඉටු වීම අපි අද්දකිනවා. අපේ බලවත් රජ යේසුස් දැනටමත් පාලනය පටන් අරන්! ළඟදීම ඔහු “සම්පූර්ණ ජයග්‍රහණයක්” අත් කරගනිමින් මුළු පොළොවම පාරාදීසයක් කරන්න පියවර ගන්නවා.—එළි 6:2.

බයිබල් අනාවැකිවල ඉටු වීම අද්දකින එක ඔයාගේ විශ්වාසය ශක්තිමත් කරගන්න උදව් වෙලා තියෙන්නේ කොහොමද?