ජීවිත පූජාව නිසා අපිට අනාගතයේදී ලැබෙන ආශීර්වාද ගැන හිතන්න සිහි කිරීම හොඳ අවස්ථාවක්. ඒ ආශීර්වාදවලින් එකක් තමයි නැවත නැඟිටීම. දෙවි මිනිසුන්ව නිර්මාණය කෙරුවේ මැරෙන්න නෙමෙයි. ඒ නිසයි අපි ආදරය කරපු කෙනෙක් මැරුණාම ලොකු වේදනාවක් දැනෙන්නේ. (1කොරි 15:26) ලාසරුස්ගේ මරණය නිසා තම අනුගාමිකයන් දුක් වෙද්දී ඒ දුක යේසුස්ටත් දැනුණා. (යොහ 11:33-35) යේසුස්ට තියෙන්නේ ඔහුගේ පියාගේම ගතිලක්ෂණ නිසා කෙනෙක්ගේ මරණය ගැන අපි දුක් වෙද්දී ඒ දුක දෙවිටත් දැනෙනවා. (යොහ 14:7) මැරුණු අයට නැවත ජීවිතය දෙන කාලය එන කල් දෙවි මහත් ආශාවකින් බලාගෙන ඉන්නවා. ඔවුන්ව දැකගන්න අපිත් ආශාවෙන් බලාගෙන ඉන්න ඕනේ.—යෝබ් 14:14, 15.

යෙහෝවා දෙවි හැම දේම පිළිවෙළකට කරන නිසා නැවත නැඟිටුවීමත් පිළිවෙළකට කරයි කියලා විශ්වාස කරන්න පුළුවන්. (1කොරි 14:33, 40) එදාට මළ ගෙවල් වෙනුවට නැවත නැඟිටවපු අයව පිළිගැනීමේ අවස්ථාවන් තියෙයි. නැවත නැඟිටුවීම ගැන, විශේෂයෙන්ම වියෝදුකෙන් ඉන්න වෙලාවක ඒ ගැන කල්පනා කරනවාද? (2කොරි 4:17, 18) මැරුණු අයට ආපහු ජීවිතය ලැබෙනවා කියලා බයිබලයේ කියලා තියෙන එක ගැනත් යේසුස්ගේ ජීවිත පූජාව ගැනත් ඔබ දෙවිට ස්තුති කරනවාද?—කොලො 3:15.

• ඔබේ යාළුවන්ගෙන් හා නෑදෑයන්ගෙන් වැඩියෙන්ම දකින්න ආසාවෙන් ඉන්නේ කාවද?

• ඔබ හම්බ වෙන්න වැඩියෙන්ම කැමති මොන බයිබල් චරිතද?