‘JW ලයිබ්‍රරි’ කියන්නේ නොමිලේ ගන්න පුළුවන් ඇප් එකක්. ඒකෙන් ෆෝන් එකට, ටැබ් එකට සහ කොම්පියුටරයට බයිබලය, වෙනත් ප්‍රකාශන, ඕඩියෝ සහ වීඩියෝ වැඩසටහන් ඩවුන්ලෝඩ් කරගන්න පුළුවන්.

ඇප් එක ගන්න විදිහ: ඔන්ලයින් ගිහින් ඇප් ස්ටෝර් එකෙන් ‘JW ලයිබ්‍රරි’ එක ඉන්ස්ටෝල් කරගන්න. මේ ඇප් එක විවිධ වර්ගයේ ඩිවයිස්වලට ලබාගන්න පුළුවන්. ඔන්ලයින් ඉද්දී ඇප් එක ඇරලා ඔබේ ෆෝන් එකට හරි ටැබ් එකට හරි ඩවුන්ලෝඩ් කරගන්න ඕන ඒවා තෝරගන්න. ඔබේ නිවසේ ඉන්ටර්නෙට් පහසුකම් නැත්නම් නමස්කාර මධ්‍යස්ථානයේදී, මහජන පුස්තකාලයකදී හෝ ඉන්ටර්නෙට් පහසුකම් තියෙන තැනකදී ඩවුන්ලෝඩ් කරගන්න පුළුවන්. ප්‍රකාශන ඩවුන්ලෝඩ් කරගත්තට පස්සේ ඒවා බලන්න ඉන්ටර්නෙට් එකට යන්න ඕන නැහැ. ඒත් ‘JW ලයිබ්‍රරි’ එකට නිතරම අලුත් අංග එකතු වෙන නිසා විටින් විට ඔන්ලයින් ගිහින් ඇප් අප්ඩේට්ස් ඉන්ස්ටෝල් කරගන්න.

ඇප් එක ලබාගන්න ඕන ඇයි? ‘JW ලයිබ්‍රරි’ එක පෞද්ගලික අධ්‍යයනයට ලොකු පහසුවක්. සභා රැස්වීම්වලදී පාවිච්චි කරන්නත් පුළුවන්. දේවසේවයටත් ඒක හුඟක් ප්‍රයෝජනවත්. විශේෂයෙන්ම අවිධිමත්ව සාක්ෂි දරන්න ඇප් එක උදව් වෙනවා.