ඕනෙම තීරණයක් ගන්න කලින් ඒ ගැන ‘යෙහෝවා දෙවියන් සතුටු වෙයිද’ කියලා හිතන්න ඕනේ. ඔහු හිතන විදිහ සම්පූර්ණයෙන්ම තේරුම්ගන්න අපිට බැහැ. (රෝම 11:33, 34) ඒත් “සෑම යහපත් ක්‍රියාවක් කිරීම සඳහා සැදී පැහැදී සිටින කෙනෙක්” වෙන්න ඕන කරන තොරතුරු ඔහු බයිබලයේ සඳහන් කරලා තියෙනවා. (2තිමෝ 3:16, 17) යේසුස් දෙවියන්ගේ කැමැත්ත හොඳින් අවබෝධ කරගෙන ඒකට මුල් තැන දුන්නා. (යොහ 4:34) ඒ වගේ අපිත් දෙවියන් සතුටු වෙන විදිහට තීරණ ගන්න වෑයම් කරමු.—යොහ 8:28, 29; එෆී 5:15-17.

‘යෙහෝවා දෙවියන්ගේ කැමැත්ත වටහාගැනීමට නිරතුරුවම උත්සාහ කරන්න’ (ලෙවී 19:18) කියන වීඩියෝ එක බලලා මේ ප්‍රශ්නවලට උත්තර දෙන්න.

• බයිබල් ප්‍රතිපත්ති අපි අදාළ කරගන්න ඕනෙ ඇයි?

• අහන සංගීතය ගැන තීරණයක් ගද්දී හිතන්න ඕන බයිබල් ප්‍රතිපත්ති මොනවාද?

• ඇඳුම් පැළඳුම් තෝරාගද්දී හිතන්න ඕන බයිබල් ප්‍රතිපත්ති මොනවාද?

• බයිබල් ප්‍රතිපත්ති අදාළ කරගන්න ඕන ජීවිතේ තවත් මොන පැතිවලටද?

• දෙවියන්ගේ කැමැත්ත තවත් හොඳින් අවබෝධ කරගන්න පුළුවන් කොහොමද?