දේවවචනය නිධානයක් | එළිදරව් 7-9
ගණන් කළ නොහැකි මහත් සමූහයකට යෙහෝවා දෙවියන් ආශීර්වාද කරනවා
යෙහෝවා දෙවියන් මහත් සමූහයට ආශීර්වාද කරන්නේ ඇයි?
-
ඒ අය යෙහෝවා දෙවියන්ගේ “සිංහාසනය ඉදිරියෙහිත් බැටළු පැටවා ඉදිරියෙහිත් සිටගෙන” ඉන්නවා. ඒකෙන් පැහැදිලියි ඒ අය පාලනය කරන්න දෙවියන්ට තියෙන අයිතියට සම්පූර්ණයෙන්ම සහයෝගය දෙනවා කියලා
-
ඒ අය “සුදු වස්ත්‍ර” පැළඳගෙන ඉන්නවා. ඒකෙන් නියෝජනය වෙන්නේ එයාලා ක්‍රිස්තුස්ගේ ජීවිත පූජාව ගැන විශ්වාසය තියන නිසා යෙහෝවා දෙවියන් එයාලව පවිත්‍ර, ධර්මිෂ්ඨ අය විදිහට සලකනවා කියන එකයි
-
ඒ අය ‘දිවා රෑ දෙකෙහි පරිශුද්ධ සේවයක් පිරිනමනවා.’ ඒකෙන් අදහස් වෙන්නේ එයාලා උපරිම උත්සාහයක් දරමින් අත්නෑර යෙහෝවා දෙවියන්ට නමස්කාර කරනවා කියන එකයි
මහත් සමූහයට අයිති කෙනෙක් වෙන්න නම් මං කරන්න ඕනෙ මොනවාද?
