ඒක වැදගත් ඇයි? අභිෂේක ලත් අය සහ වෙනත් බැටළුවන් හැම තරාතිරමකම ඉන්න මිනිසුන්ට “ජීවනදායක වතුර නොමිලේ” ඇවිත් ගන්න කියලා ආරාධනා කරනවා. (එළි 22:17) කීකරු මිනිසුන්ව පාපයෙන් සහ මරණයෙන් බේරගන්න යෙහෝවා දෙවියන් ලබා දීලා තියෙන හැම සැපයුමක්ම ඒ වතුරවලින් සංකේතවත් වෙනවා. සේවයේදී අපිට විවිධාකාර විශ්වාසයන් තියෙන, විවිධාකාර සිරිත් විරිත් පිළිපදින අයව හමු වෙනවා. ඒ හැම කෙනෙක්ටම උදව් කරන්න නම් එයාලගේ හිතේ උනන්දුවක් ඇති වෙන විදිහට අපි “සදාකාල ශුභාරංචිය” කියන්න ඕනේ.—එළි 14:6.

ඒක කරන්නේ කොහොමද?

• ඔයා සේවේ යන ප්‍රදේශයේ ඉන්න අයගේ හිතට කාවදින විෂයක් සහ බයිබල් පදයක් තෝරගන්න. සාකච්ඡාවකට යෝජනා යටතේ තියෙන විෂයක් හරි ප්‍රදේශයේ අයගේ හිතට කාවදියි කියලා හිතන විෂයක් හරි තෝරගන්න පුළුවන්. වැඩියෙන්ම සාර්ථක වෙලා තියෙන්නේ මොන වගේ විෂයන් සහ බයිබල් පදද? ප්‍රවෘත්තිවල ගිය, මිනිසුන් කතාබහ කරන දෙයක් තියෙනවාද? පිරිමි අයගේ හිතට කාවදින දේවල් මොනවාද? ගැහැනු අයගේ හිතට කාවදින දේවල් මොනවාද?

• ප්‍රදේශයේ මිනිසුන් සාමාන්‍යයෙන් එකිනෙකාට සුභ පතන විදිහට සුභ පතන්න. එයාලගේ සිරිත්විරිත් ගැන සැලකිලිමත් වෙන්න.—2කොරි 6:3, 4

• අපේ ඉගැන්වීම් කට්ටලයේ තියෙන ප්‍රකාශන සහ වීඩියෝ ගැන හොඳින් දැනුවත් වෙන්න. උනන්දුවක් දක්වන අයට ගැළපෙන දෙයක් පෙන්වන්න ඒක උදව් වෙයි

• ඔයාගේ ප්‍රදේශයේ වෙනත් භාෂා කතා කරන අය ඉන්නවා නම් එයාලට සාක්ෂි දරන්න උදව් වෙන තොරතුරු එයාලගෙම භාෂාවලින් ඩවුන්ලෝඩ් කරගන්න

• නිවැසියාගේ අවශ්‍යතාවට ගැළපෙන විදිහට ඔයාගේ ඉදිරිපත් කිරීම සකස් කරගන්න. (1කොරි 9:19-23) උදාහරණෙකට නිවැසියා ආදරේ කරපු කෙනෙක් මෑතකදී මිය ගිහින් කියලා දැනගත්තොත් එයාට සාක්ෂි දරන්න පුළුවන් කොහොමද?

වීඩියෝ එක බලලා මේ ප්‍රශ්නවලට උත්තර දෙන්න.

• ප්‍රචාරකයා මුලින්ම නිවැසියා එක්ක කතා කළේ මොන විෂය ගැනද?

• නිවැසියා මුහුණ දෙමින් හිටියේ මොන වගේ තත්වයකටද?

• නිවැසියාට වැඩියෙන්ම ගැළපෙන්නේ මොන බයිබල් පදයද? ඒ ඇයි?

• ඔයාගේ ප්‍රදේශයේ ඉන්න අයට ගැළපෙන විදිහට ඔයාගේ ඉදිරිපත් කිරීම සකස් කරගන්නේ කොහොමද?