අපි ඉන්නේ නපුර යහපත කියලා සලකන සමාජයක. (යෙසා 5:20) යෙහෝවා දෙවියන් පිළිකුල් කරන අනාචාර ක්‍රියා හැම තැනම පැතිරිලා. සමලිංගික ඇසුර ඒකෙන් එකක්. ඒ වගේ දේවල්වල හවුල් වෙන්න ඉස්කෝලේ යාළුවෝ, අනිත් අය අපේ දුවලා පුතාලව පොලඹවන්න ඉඩ තියෙනවා. ඒ දේට වගේම වෙනත් අභියෝගවලට හොඳින් මුහුණ දෙන්න දරුවන්ව ලෑස්ති කරන්න ඔයාට පුළුවන් කොහොමද?

යෙහෝවා දෙවියන්ගේ ප්‍රමිති ගැන දරුවන්ට කියලා දෙන්න. (ලෙවී 18:3) එයාලගේ වයසට ගැළපෙන විදිහට ලිංගික කාරණා ගැන බයිබලේ තියෙන දේවල් උගන්වන්න. (ද්වි 6:7) මේ ගැන හිතන්න. ‘අනිත් අයව ආශ්‍රය කරද්දී කරන්න හොඳ මොනාද, හොඳ නැත්තේ මොනාද කියලා දරුවා දන්නවාද? විනීතව අඳින්න ඕනෙ ඇයි කියලා එයාට කියලා දීලා තියෙනවාද? ඇඳුම් මාරු කරද්දී, නාද්දී වගේ වෙලාවලදී සැලකිලිමත් වෙන්න ඕනෙ දේවල් ගැන එයා දන්නවාද? කවුරු හරි කාමුක දර්ශනයක් පෙන්වන්න හැදුවොත්, දෙවියන් අකමැති දෙයක් කරන්න කිව්වොත් මොනාද කරන්න ඕනෙ කියලා එයා දන්නවාද?’ කලින්ම ඒ දේවල් ගැන දරුවාව දැනුවත් කරනවා නම් බරපතළ ප්‍රශ්න ඇති වෙන එක වළක්වගන්න පුළුවන්. (හිතෝ 27:12; දේශ 7:12) දරුවන් දැනගෙන ඉන්න ඕනෙ දේවල් කියලා දෙන එකෙන් ඔයා පෙන්වන්නේ දෙවියන්ගෙන් ලැබුණ උරුමය ඔයාට හුඟක් වටිනවා කියලයි.—ගීතා 127:3.

‘කවදාවත් බිඳින්න බැරි නිවසක් ගොඩනඟන්න - “නපුරු දේවලින්” දරුවාව ආරක්ෂා කරගන්න’ කියන වීඩියෝ එක බලලා මේ ප්‍රශ්නවලට උත්තර දෙන්න.

• සමහරු ලිංගික කාරණා දරුවන් එක්ක කතා කරන්න අදිමදි කරන්නේ ඇයි?

• දෙමාපියන් දරුවන්ට ‘යෙහෝවා දෙවිගෙන් ලැබෙන හික්මවීම් ලබා දෙන්නත් දෙවි හිතන විදිහට හිතන්න උගන්වන්නත්’ ඕනෙ ඇයි?—එෆී 6:4

• ලිංගික කාරණා ගැන දරුවන්ට කියලා දෙන්න සංවිධානයෙන් දීලා තියෙන්නේ මොන වගේ දේවල්ද?—w19.05 12, කොටුව

• බරපතළ ප්‍රශ්න ඇති වෙන්න කලින් දරුවන් එක්ක නිතරම කතාබහ කරන එක වැදගත් ඇයි?