යාළුවෙක් කියන්නේ “ලෙන්ගතුකමේ නැත්නම් ගෞරවයේ හැඟීමකින් තව කෙනෙක් එක්ක බැඳීමක් ඇති කරගන්න කෙනෙක්ට” කියලා එක ශබ්දකෝෂයක කියනවා. දාවිත් සහ යොනාතාන් ඒ වගේ දෙන්නෙක්. ගොලියත්ව මැරුවාට පස්සේ දාවිතුයි, යොනාතානුයි අතරේ හරිම කිට්ටු බැඳීමක් ඇති වුණා. (1සාමු 18:1) හොඳ යාළුවෝ වෙන්න උදව් වෙන වටිනා ගුණාංග ඒ දෙන්නාටම තිබුණා. කෙනෙක්ව යාළුවෙක් කරගන්න නම් එයාව හොඳට අඳුරගන්න ඕනේ. ඒකට කාලයක් යයි. මහන්සි වෙන්නත් වෙයි. ඒත් ඔන්ලයින් “යාළුවෝ” හොයාගන්න නම් පොඩ්ඩක්වත් අමාරු නැහැ. කරන්න තියෙන්නේ එක සැරයක් ක්ලික් කරන්න හරි ටච් කරන්න හරි විතරයි. හැබැයි ඔන්ලයින් හරහා කෙනෙක්ට හරිම ලේසියෙන් තමන් ගැන ඇත්ත හංගන්න පුළුවන් කියලා අමතක කරන්න එපා. ඒ නිසා ඔයා ඔන්ලයින් යාළුවෝ කරගන්නේ මොන වගේ අයවද කියලා කලින්ම තීරණය කරන්න. දන්නැති කෙනෙක් ඔයාගේ යාළුවෙක් වෙන්න ඇහුවොත් මොකද කරන්නේ? එයාගේ හිත රිදෙයිනේ කියලා හිතලා එයාව යාළුවෙක් කරගන්න ඉක්මන් වෙන්න එපා. සමහරු මිතුරු සමාජ වෙබ් අඩවිවල තියෙන අනතුරු නිසා ඒවා පාවිච්චි කරන්නේ නැතුවම ඉන්න තීරණය කරලා තියෙනවා. ඔයා ඒවා පාවිච්චි කරන කෙනෙක් නම් මේ වීඩියෝ එක ඔයාට ප්‍රයෝජනවත් වෙයි.

‘මිතුරු සමාජ වෙබ් අඩවි - බලාගෙනයි!’ කියන වීඩියෝ එක බලලා මේ ප්‍රශ්නවලට උත්තර දෙන්න.

• කමෙන්ට් එකක්, පින්තූරයක් දාන්න කලින් හිතන්න ඕනෙ මොනවා ගැනද?

• ඔන්ලයින් යාළුවෝ තෝරගද්දී පරෙස්සම් වෙන්න ඕනෙ ඇයි?

• මිතුරු සමාජ වෙබ් අඩවිවල ගත කරන කාලය ගැන සැලකිලිමත් වෙන්න ඕනෙ ඇයි?—එෆී 5:15, 16