Heyiti gobbara shittu qarra qalino. Wodiidi Afirikira, Meksikotenna wole Laatini Ameeriku gobbuwara jaddo loossannori manna eanna fula hoꞌlitino. Finqille shiimare woyyitino yinanni qooxeessira nafa, wolu gari jaddo manna yaachishshanni no: mooraano, dagoomu jajja huntannorinna giira qassannori mannaho goxicho hooltino.

 Yannankera alamete aana batidhino finqille daafira Qullaawu Maxaafi mayyaanno?

 Finqille ‘alamete gumulora’ heeꞌnoommota leellishanno malaati wido ikkitinota Qullaawu Maxaafi giddo balanxe masaalloonni. (Maatewoosi 24:3) Yesuusi Kiristoosi hakkunni malaati wido ikkitino coyibba daafira kulanni togo yiino:

•   “Bunshe lexxitanni hadhanno daafira, lowo manni baxilli qiidanno.”—Maatewoosi 24:12.

 “Goofimarchu barra” mannu “umosi qeeꞌlinokkiha, mararro afiꞌrinokkiha, danchumma giwannoha” ikkannotano Qullaawu Maxaafi giddo balanxe masaalloonni. (2 Ximootewoosi 3:1-5) Yannankera batidhino finqillera kora ikkino coyi giddo mittu togoote busha akattaati.

 Ikkollana, woyyitino yanna dagganno yine hexxineemmo gede assannonkeri no. Qullaawu Maxaafi, finqillenna bunshe muli yannara baꞌannota kulanno.

•   “Bushuullu shiima yannalla keeshshitanno; dargaho laꞌe hoogatto. Shaqqaddu kayinni baatto ragidhanno; atootenna keere afidhe hagiidhitanno.”—Faarso 37:10, 11.

 Qullaawu Maxaafi kulanno hexxo daafiranna yannankera ikkanni noori Qullaawu Maxaafi giddo balanxe himannoonnire ikkinota buuxate ledde rosi. Aante noo birxichuwa nabbawi.

 “Woyyitino Yanna Dagganno Yine Hexxa Dandiineemmo?”

 “‘Goofimarchu Barri’ Woy Yanna Malaati Maati?”

 “Yannankera Noo Manni Ikkitonna Akati Daafira Qullaawu Maxaafi Giddo Masaalloonnini?”