Kaatolikennihu Odoote Xaawira kulloonni garinni, Badheessa 25, 2022 Kaatolikete Qeesichi Firansisi Maariyaami misilera albaanni uurre “ille ximbiiꞌle umo heeshshi yee huuccatto assino.” Isi keeru daafira “Maariyaami huuccino.” Qoleno Vaatikaani Odoote rippoortera kulloonni garinni, “Qeesichu mannu ooso daafira hakko iso Ruusiyunna Yukireenete daafira Keeraancho Maariyaamiwa huuccatto assino.”

 Atera maa lawannohe? Misilete albaanni uurrine huuccatto assiꞌra woy misilla magansiꞌra garaho? Hanni aante noota Qullaawu Maxaafi qummeeshshuwa hedi:

•   “Gordohono ikko baattote, baattote woroonni wayi giddo noorichinnino ikkiro magansiꞌrate yitine ayee misileno seekkidhinoonte. Kaphu magannara kumbuultinoonte; insano magansidhinoonte. Ani [“Yihowa,” Haaro Alame Tiro] hinaasaancho Maganooti.”—Fulo 20:4, 5. a

•   “Insa magansidhannoti kaphu maganna kayinni, mannu anganni birrunninna culkunni seekkinoonnite. Afuu noonsana, dicoyidhanno; ille noonsana, dilaꞌanno. Macca noonsana, dimacciishshitanno; Sano noonsana, diulattanno. Anga noonsana, diamaddanno; lekka noonsana, dihadhanno; mitte huurono dinonsa. Seekkitunsarinna addaxxitannonsari baalu, insa gedeere ikkitanno.”—Faarso 115:4-8.

•   “Suꞌmiꞌya Kaaliiqaati; ayirrinyeꞌya gutamannohu wolu magani dino; misillano galataꞌya beeqqitara dihasiꞌreemmo.”—Isayaasi 42:8.

•   “Kaphu maganna magansiꞌratewiinni xooqqe!”—1 Qorontoosi 10:14.

•   “Kaphu magannawiinni umoꞌne agadhe!”—1 Yohaannisi 5:21.

 Misilla horoonsiꞌne magansiꞌrate daafira Qullaawu Maxaafi mayyaannoro ledde afate, “Qullaawu Maxaafi Yaannore—Misilla” yaanno birxicho nabbawi woy Maganu Iso Magansiꞌrate Misilla Horoonsiꞌnannita Baxanno? yitanno viidiyo lai.

 Aante noo hajo daafirano Qullaawu Maxaafi mayyaannoro afa hasiꞌrattoha ikkara dandaanno:

•   “Seemo Maariyaami—Qullaawu Maxaafi Ise Daafira Mayyaanno?”

•   “Seemo Maariyaamiwa Huuccatto Assiꞌra Hasiissanno?”

•   “Maalalenna Ekera—Maganuwiinni Dagganno Malaattaati?”

•   “Uulla Keere Afidhannohu Hiittoonniiti?”

Photo credit: Vincenzo Pinto/AFP via Getty Images