DEANTINOONTE!
Poletiku Finqille—Qullaawu Maxaafi Mayyaanno?
Batinye poletiku finqille alamete aana lowo manna hembeeltanni no.
Meksikote gobbara, gashshooteho doorantara shiqqinore 39 mannoota shinoonni; tini hatte gobbara jaddo baala roore jaddooti; hattono wole duucha poletiku finqille kaˈino. Konninni kainohunni mannu 2023-2024 doorsha wodanaaˈme doora didandiino.
Awuroppaho muli yannara batinye poletiku finqille kaˈino; tenne giddo mitte, Onkoleessa 15, 2024 Isilovaakiyunnihu qaru ministerichi shine hoongeenna gati yannaati.
Ameerikaho, Maaja 13, 2024 albi pirezidaantichi Donaaldi Tirampi shine hoongeenna hilire calla gatino; Ameeriku mannira masillu xaa geeshsha difulinonsa.
Poletiku finqille togo batidhinohu mayiraati? Togoo finqille heedhannokki yanna dagga ikka? Qullaawu Maxaafi mayyaanno?
Poletikunni babbadama heedhannota balanxe himannoonni
Qullaawu Maxaafi tenne ninke heeˈnoommo yanna “goofimarchu barra” yaanno; qoleno tenne yannara batinyu manni gibbonna finqille kakkayisanno akata leellishannota balanxe masaalloonni.
“Goofimarchu barra qarrissanno yanna daggannota afi. Mannu . . . galata afiˈrinokkiha, qullaawa heeshsho afiˈrinokkiha, . . . araara giwannoha, . . . mararro afiˈrinokkiha, . . . muddamaasincho, booˈnatenni ufuufaminoha . . . ikkanno.”—2 Ximootewoosi 3:1-4.
Qoleno yannankera duuchu manni gashshooteho finqilansanna poletiku gaanci rosaminore ikkannota Qullaawu Maxaafi giddo himannoonni. (Luqaasi 21:9, lekkaalliidi qaagiishsha) Ikkollana, poletiku finqillenna babbadooshshu tenne gedee diheeˈranno.
Poletiku finqille baˈanno yanna
Qullaawu Maxaafi, Maganu uullate gashshoote baala hune umisi gashshoote abbannota kulanno.
“Gordu Magani horonta diigamannokki . . . gashshoote uurrisanno. Kuni wole gashshoote baala coˈo asse hunanno. Isi kayinni hegerera kaajje heeˈranno.”—Daanieeli 2:44.
Maganu Gashshooti mannu mereero addu mittimma heedhanno gede assanno; qoleno alame woˈmate aana keere abbanno.
Konni Gashshooti Moote Yesuusi Kiristoosi ‘Keeru Roorrichaati’; isi uullate aana “hegere keeri” woˈmanno gede assanno.—Isayaasi 9:6, 7.
Konni Gashshooti qansooti, xa nafa mannu ledo keere heeˈnanni gara rossanni no. Hakko daafira, Qullaawu Maxaafi togo yaanno: “Bisensa maarashaho, urdensa haantote soorritanno. Gashshootu gashshootu aana ola dikayisanno; hakkunni gedensaanni olaho qixxaawannohu diheeˈranno.”—Isayaasi 2:3, 4.
Ledde afate, “Maganu Mangiste Maa Maa Assitanno?” yaanno birxicho nabbawi; hattono Maganu Mangiste Maati? yitanno viidiyo lai.
Kurino Lai
AGAROOSHSHU SHAE
Maganu Mangiste Maa Assitanno?
Yesuusi mannu ooso qarra baala tira dandiitannoti Maganu Mangiste calla ikkitino afino. Ikkina Maganu Mangiste xaa geeshsha maa assitino?
DEANTINOONTE!
Mannu Poletiku Mannoota Addaxxa Aguranni No—Qullaawu Maxaafi Mayyaanno?
Qullaawu Maxaafi aye addaxxineemmoro qorophine hendeemmo gede kulannonke; qoleno woyyitino alame abbanno yine aye calla addaxxa dandiineemmoro qummi assanno.
DEANTINOONTE!
Mannu Poletikunni Togo Bebbeehaminohu Mayiraati?—Qullaawu Maxaafi Mayyaanno?
Alamete aana batinyu manni poletikunni albinni roore bebbeehamanni no. Qullaawu Maxaafi malu maatiro kulanno; hakkuno manna baala mitto assa dandaanno gashshaanchooti.
AGAROOSHSHU SHAE
Maganu Gashshaancho Ikkanno Gede Aye Doodhino?
WOLE BIRXICHUWA
Woyyitino Yanna Dagganno Yine Hexxa Dandiineemmo?
Qullaawu Maxaafi kulanno hexxo mannu aanno hexxonna himaniwiinni baxxitannohu hiittoonniiti?
QULLAAWU MAXAAFI ROSO
Qullaawu Maxaafi Xiinxallonke Woꞌnaalte Lai
Rosiisannohe manna worreennahe Qullaawa Maxaafa mulla xiinxalli.
