Diru dirunku, alamete deerrinni Yihowa Farciꞌraasinenna lowo miliyoone ikkanno wosini mitteenni gamba yee Yesuusi hajajino garinni reyosi Qaagooshshe ayirrisanno. (Luqaasi 22:19) Kuni ayyaani Yesuusi mannu oosora yee heeshshosi sayise uyi woyite assinori mageyi geya hasiisannore ikkinoro wodanchineemmo gede kaaꞌlannonke. Qoleno Yesuusi kakkalo xaarano ikko konni kaꞌira ma garinni kaaꞌlitannonkero huwanteemmo faro afiꞌneemmo.—Yohaannisi 3:16.

 Tayixeha Qaagooshshu Ayyaana haꞌroottoha ikkono ikkano hoogo, Yesuusi kakkalonni horo afiꞌrate maa assa dandaatto? Yesuusi assa hasiissannonkeha lame qara coye rosiisino:

1.  1. Maganunna Yesuusi daafira rosi. Yesuusi gordoho noo Annasi huucciꞌranni togo yiino: “Hegere heeshshono, ati callu halaalaancho Magano ikkoottotanna soottoha Yesuusa Kiristoosa afate.”—Yohaannisi 17:3.

2.  2. Rosoottore loosu aana hosiisi. Yesuusi isi rosiisannonkere heeshshonke giddo loosu aana hosiisa hasiissannonketa luphi asse xawisino. Lawishshaho, isi ilaalaho heeꞌre rosiisino roso gumuli woyite, ‘qaalesi macciishshe guutanno’ mancho naadino. (Luqaasi 6:46-48) Isi wole woyiteno togo yiino: “Konne coye affinoonni; affinoonniha assitiniro maassantinanni.”—Yohaannisi 13:17.

 Maganunna Yesuusi daafira ledde rosa hasiꞌratto? Rosoottore loosu aana hosiisate kaaꞌlitannohe amaale afiꞌra hasiꞌratto? Konni woroonni noo qixxaawonni kaaꞌlitannohe mashalaqqe afiꞌratto.

 Qullaawa Maxaafa mannaho woxe baaxxikki xiinxallinseemmo qixxaawo noonke; tini qixxaawo batinyu manni Qullaawu Maxaafi yaannore huwate loosu aana hosiisanno gede kaaꞌlitinonsa.

•   Tenne qixxaawo daafira ledde afate, Qullaawu Maxaafi Xiinxallo Rosiisaanchu Ledo yaanno qoola lai.

•   Yihowa Farciꞌraasine Qullaawa Maxaafa xiinxallissannohu hiittoonniitiro afate, Qullaawu Maxaafi Xiinxallora Hawalle Keere Dayootto yitanno viidiyo lai.

 Yihowa Farciꞌraasine lamalate kiiro lame higge Gambooshshu Addaraashensara gamba yite Magano magansidhanno. Konni gambooshshi yannara, Qullaawu Maxaafi mayyaannoronna kulannonke amaale loosu aana hosiisa dandiineemmohu hiittoonniitiro ronseemmo.

 Gambooshshenke Yihowa Farciꞌraasine ikkitinori calla ikkikkinni mannu baalu daa dandaanno. Qooxeessu qooxeessu garinni, gambooshshenke dagge beeqqa woy viidiyotenni eꞌe macciishsha dandaatto.

•   Togoo gambooshshinke yannara maa maa assinanniro afate, Gambooshshu Addaraashenkera Maa Maa Assinanni? yitanno viidiyo lai.

•   Yihowa Farciꞌraasineha Songote Gambooshshe yaanno qoola horoonsidhe kiꞌne qooxeessira gambooshshe assinanni bayicho layiꞌri.

 Tenne webisayite aana fultino borronna viidiyubba, Yesuusi rosiisino rosi daafiranna reyosi kaaꞌlitannonke gara ledde afatto gede kaaꞌlitannohe.

 Lawishshaho, mittu manchi reyo lowo miliyoone ikkanno mannira kaaꞌlitannohu hiittoonniitiro afate, “Yesuusi Gatisannonkehu Hiittoonniiti?” yaannohanna “Yesuusi Qarraminohunna Reyinohu Mayiraati?” yaanno birxicho nabbawi; woy Yesuusi Reyinohu Mayiraati? yitanno viidiyo lai.