Qullaawu Maxaafi Maxaaffa Egensiissanno Viidiyo
Mittu mittunku Qullaawu Maxaafi maxaafire kultanno mashalaqqe.
Kalaqamu Maxaafi Egensiishsha
Kalaqamu maxaafi mannu ooso kalaqantino garanna qarrunna shettote kaimu maatiro luphi asse xawisanno.
Fulote Maxaafi Egensiishsha
Maganu Isiraeelete daga Gibitsete borojjimmanni fushshinonsa hattono mannasi assinonsa.
Leewaawootu Maxaafi Egensiishsha
Leewaawootu maxaafi, Yihowa qullaambenna ninkeno qullaawoota ikka hasiissannonkehu mayiraatiro luphi asse xawisanno gara lai.
Marrote Maxaafi Egensiishsha
Yihowa Israeelete dagara uyinonsa seeri, isi baxannonsata leellishannohu hiittoonniitiro huwatate woꞌnaali.
Iyyaasu Maxaafi Egensiishsha
Israeelete daga Maganu uyinonsa baatto qeelte adhite beeqqitino gara lai.
Ejjeettote Maxaafi Egensiishsha
Jannootunnire kulannoha konne maxaafa suꞌminoonnihu Maganu mannasi gadadu giddonni fushshate horoonsiꞌrinoha ammana noonsa manna kaima assineeti.
Ruuti Maxaafi Egensiishsha
Mitte aja beetto umise injo agurte ballosera baxille leellishshino garanna Yihowa insa lamenta maassiꞌrinonsa gara nabbawi.
Umi Saamueeli Maxaafi Egensiishsha
Ejjeetto gashshitino yannanni kayisse mootoollate wari geeshsha noota Israeelete xagge nabbawi.
Layinki Saamueeli Maxaafi Egensiishsha
Daawiti umosi heeshshi assanno manchonna ammana noosiha ikkasi, Qullaawu Maxaafi giddo kulloonnihu egennaminonna banxanni manni wido ikkanno gede assitinosi gara huwatate woꞌnaali.
Umi Mootoolla Maxaafi Egensiishsha
Israeele Moote Selemooni gashshooti giddo qawaaxxidhe noo yannanni kayise lamewa beehante Israeeletenna Yihudu gashshoote ikkitu yanna qarrunnite geeshsha ikkinore wodanchi.
Layinki Mootoolla Maxaafi Egensiishsha
Aliyyehu Israeelete gashshooti giddo kaphu maganna magansiꞌranno manni batiꞌrinoha ikkirono, Yihowa isira woꞌmu wodaninni soqqantinore maassiꞌrino gara huwatate woꞌnaali.
Layinki Duduwi Maxaafi Egensiishsha
Yihudu mootoolla xagge, Maganoho ammanama lowo waaga afidhinota leellishshanno gara wodanchi.
Lawishshu Maxaafi Egensiishsha
Heeshshokkira lowo geeshsha kaaꞌlannohanna loosu hajorano ikko maatete kaaꞌlannoha Maganu biddishsha afiꞌri.
Rosiisaanchu Maxaafi Egensiishsha
Moote Selemooni heeshshonke giddo roore hasiisanno coye luphi asse xawisino; qoleno konne coye Maganu hayyo ledo sumuu yitannokki coyibba ledo heewisiise kulino.
Hoosei Maxaafi Egensiishsha
Hoosei masaalo, cubbinsara aagintaawe higanno manni Yihowa maaro afiꞌranno gara hattono Maganu ma garinni magansiꞌnasira hasiꞌrannoro lowore rosiissannonke.
Iyueeli Maxaafi Egensiishsha
Masaalaanchu Iyueeli, waajjishannohu ‘Yihowa barrire’ masaalino; qoleno gatate maa assa hasiissannoro kulino. Roorenkanni yannankera, isi yiinore assa hasiissanno.
Amootsi Maxaafi Egensiishsha
Yihowa, umosi heeshshi assannoha konne mancho loososi loosanno gede assino. Amootsi xaggenni ronseemmohu kaajju rosi hiikkonneeti?
Abidiyu Maxaafi Egensiishsha
Ibiraawootu Afiite Qullaawa Borro giddo shiimiidi maxaafaati. Abidiyu masaalo hexxo amaddinote; qoleno Maganu Yihowa mootumma gara ikkitinoti leeltanno yanna daggannota kultanno.
Yoonaasi Maxaafi Egensiishsha
Kuni masaalaanchi seejjo adhino, Maganu hajajo wonshino, hattono ammanama woꞌmitinohu Maganu baxillinna maaro daafira lowore rosino. Isi lawishshi dhagge ikkannoho.
Mikiyaasi Maxaafi Egensiishsha
Maganu ayyaaninni borreessantinoti tini masaalo, Yihowa asse yaannonkeri baalu kaaꞌlannonkere ikkinota addaxxineemmo gede assitannonke.
Nahoomi Maxaafi Egensiishsha
Tini masaalo Yihowa coyiꞌrinore woꞌmanka woyite wonshannota, hattono isi keerenna gato hasidhannorira Mangistesi widoonni fooliishsho aannota addaxxineemmo gede assitannonke.
Imbaaqoomi Maxaafi Egensiishsha
Yihowa mannasi gatisanno yannanna gatisanno gara seekke afinota addaxxa dandiineemmo.
Soffooniyaasi Maxaafi Egensiishsha
Yihowa barri didaanno yine heda hasiissannonkekkihu mayiraati?
Hage Maxaafi Egensiishsha
Tini masaalo, ayyaanaamittete coye meessi dilgonni balaxisiisa hasiissannota kultanno.
Zakkaariyaasi Maxaafi Egensiishsha
Zakkaariyaasi Maganu ayyaaninni laino ajuujanna coyi’rino masaalo Maganu manna jawaachishshino. Tini masaalo Yihowa yannankera ninkeno irkisannonketa buuxissanno.
Milkiyaasi Maxaafi Egensiishsha
Kuni maxaafi soorramannokkihu Yihowa seerire, maarosirenna baxillisire kulannoho. Qoleno yannankerano kaa’lanno roso amadinoho.
Maatewoosi Maxaafi Egensiishsha
Qullaawu Maxaafihu Maatewoosi maxaafi shoolu Wongeeli giddo umiho; konni maxaafire seekkite rosi.
Maarqoosi Maxaafi Egensiishsha
Haranchu Maarqoosi Wongeeli, Maganu Mangiste Moote Yesuusi albillitte maa assannoro leellishanno.
Luqaasi Maxaafi Egensiishsha
Luqaasi Wongeeli giddo calla noo mashalaqqe hiittenneeti?
Yohaannisi Maxaafi Egensiishsha
Yohaannisi Wongeeli Yesuusi mannu oosora baxille leellishino gara, umosi heeshshi assino garanna Maganu Mangiste Moote ikkara buuramino Mesihichi iso ikkinota kulanno.
Soqqamaasinete Loosi Egensiishsha
Umi xibbi diri Kiristaani baalante ga’re manna rosaano assate diinaggaawe sabbakino. Soqqamaasinete Loosi sabbakate looso diinaggaabbe loosatto gede kakkayisahera dandaanno.
Roomu Sokka Egensiishsha
Yihowa mallaadannokkiha ikkinotanna Yesuusi Kiristoosi ammana hasiissannonkehu mayiraatiro kulannoha qullaawu ayyaaninni borreessinoonni maxaafa.
Umi Qorontoosi Maxaafi Egensiishsha
Soqqamaasinchu Phaawuloosi borreessino sokka mittimmate, amanyootu seeri, baxillunna kaote hexxo ammanate daafira kultanno.
Layinki Qorontoosi Maxaafi Egensiishsha
“Jawaante baalate Magani” Yihowa, soqqamaasinesi jawaachishanno hattono sheshifachishanno.
Galatiyu Maxaafi Egensiishsha
Phaawuloosi Galatiyu Kiristaanira borreessino sokka hakkawaro insara kaaꞌlitunsante gede xaa yannara ninkerano kaaꞌlitannonke. Tini sokka, baalunku Kiristaani ammaname heeꞌranno gede kaaꞌlitanno.
Efesooni Maxaafi Egensiishsha
Tini qullaawu ayyaaninni borreessinoonni sokka, Maganu Kiristoosi widoonni keerenna mittimma abbara hasiꞌrannota leellishshanno.
Filiphisiyusi Maxaafi Egensiishsha
Qarru yannara cincanke, wolootu jawaante afidhanno gede assitanno.
Qolasiyaasi Maxaafi Egensiishsha
Ronsoommore loosunni leellishanke, mimmitoho mulla gatona yaanke, hattono Yesuusi silxaane ayirrisanke Yihowa hagiirsiissanno.
Umi Teselonqe Maxaafi Egensiishsha
Ayyaanaamittetenni baqqi yine heeꞌra, ‘baalanka coye fonqole laꞌꞌa,’ ‘agurrummokkinni huucciꞌranna’ mimmito jawaachisha hasiissannonke.
Layinki Teselonqe Maxaafi Egensiishsha
Phaawuloosi roduuwu Yihowa barri daafira noonsata gara ikkitinokki lao biddi assidhanno gedenna ammanatenni kaajjite heedhanno gede jawaachishinonsa.
Umi Ximootewoosi Maxaafi Egensiishsha
Phaawuloosi Umi Ximootewoosi sokka borreessinohu, songo galtanno gara xawisatenna kaphu rosonna woxu baxille qoropha hasiissannota kulateeti.
Layinki Ximootewoosi Maxaafi Egensiishsha
Phaawuloosi, Ximootewoosi woꞌma giddonni soqqamanno gede jawaachishinosi.
Tiito Maxaafi Egensiishsha
Phaawuloosi Tiitora borreessino sokka, Qerxeesi giddichora noo songuwa giddo noo qarranna songote cimeeyye ikkitannori hiittoo akati noonsa roduuwaatiro kultanno.
Filimoona Maxaafi Egensiishsha
Tini harancho sokka meessaneeto heeshshi assate daafira, hattono shaqqillunna gatona yaate daafira rosiissannonke.
Ibiraawootu Maxaafi Egensiishsha
Kiristaanu ammaꞌno xintantinohu, qullaawa minenna saadate kakkalo lowo geeshsha roorannori aanaati.
Yaiqoobi Maxaafi Egensiishsha
Yaiqoobi, Kiristaanu harunsa hasiissannonsaha xintu seera kulate lawishshu yaatto horoonsiꞌrino.
Umi Pheexiroosi Maxaafi Egensiishsha
Umiti Pheexiroosi sokka, jawaanteemmo gedenna yaaddonke Maganu aana tuqqineemmo gede jawaachishshannonke.
Layinki Pheexiroosi Maxaafi Egensiishsha
Layinki Pheexiroosi sokka, haaro uullanna haaro iima ammanamme agadhineemmo gede jawaachishshannonke.
Umi Yohaannisi Maxaafi Egensiishsha
Yohaannisi sokka Kiristoosi qoxxisaano qorophineemmo gedenna maa baxanna maa giwa hasiissannonkero kultanno.
Layinki Yohaannisi Maxaafi Egensiishsha
Yohaannisiti layinki sokka halaalunni millinseemo gedenna soꞌrisiisaano qorophineemmo gede jawaachishshannonke.
Sayikki Yohaannisi Maxaafi Egensiishsha
Yohaannisiti sayikki sokka, Kiristaanu wosina adha hasiissannonsata xawissanno.
Yihuda Maxaafi Egensiishsha
Yihuda, Kiristaana batteessate woꞌnaaltannori horoonsidhanno xagarro xawo fushshino.
Yohaannisi Ajuuja Maxaafi Egensiishsha
Konni maxaafira nooti dhagge ikkitanno ajuuja, Maganu Mangiste isi mannu oosoranna uullate hedinori woꞌmanno gede assitanno gara leellishshanno.