FAARSO 75
‘Kuneeti, Ane Soqqie!’
-
1. Mannu Magano mishino;
Suꞌmasi qacifatino.
‘Wolqa dinosi’ yitanno.
Mitu iso dino yaanno.
Ayeti mare coyiꞌrannohu?
Ayirrinyesi kulannohu?
(AZIMAACHE 1)
‘Moote, kunee! Ane soqqi!
Duduweemmo guweenyakki.
Dino konne saiyo ayirrinyi.
Mooticha, ane soqqi!’
-
2. Magano diwaajjitanno;
Mitu iso hettissanno.
Kinna bocce kumbuultanno;
Qeesaari guwisidhanno.
‘Bunshe agurre’ ayi yaanno?
Ayi mare ‘Qorophe!’ yaanno?
(AZIMAACHE 2)
‘Moote, kunee! Ane soqqi!
Coyishiisheemmo waajjummokki.
Dino konne saiyo ayirrinyi.
Mooticha, ane soqqi!’
-
3. Bunshe horo batidhino;
Jooguullu baasa yaaddino.
Hagiirre aanno halaale,
Afate quqquxantino.
Ayeti jawaachishannohu?
Doogo leellishannonsahu?
(AZIMAACHE 3)
‘Moote, kunee! Ane soqqi!
Kuleemmonsa shaqqillunni.
Dino konne saiyo ayirrinyi.
Mooticha, ane soqqi!’
(Qoleno Far. 10:4; Hiz. 9:4 lai.)
