Kalaqamu Yihowa ayirrinye duduwanno. (Fa 19:1-4; 139:14) Daawuloosi alame kayinni heeshshote kaimi daafira Maganu ayirranno gede assannokki roso halashshitanno. (Ro 1:18-25) Togoo rosi oosoꞌne wodaninna surre giddo rumuxxannokki gede assa dandiitinannihu hiittoonniiti? Anje heedheennanni Maganu nootanna Isi insa daafira hedannota ammantanno gede kaaꞌlensa. (2Qo 10:4, 5; Ef 6:16) Rosu mine rossino coyira mayi lao noonsaro afate woꞌnaalle, hattono wodanansa kakkayisate, qixxaawinonkeha addi addi uduunne horoonsidhe.—La 20:5; Ya 1:19.

DARAWOKKI YITINORE—MAGANU NOOTA AMMANA YITANNO VIIDIYO LAꞌINI GEDENSAANNI AANTE NOO XAꞌMUWA HASAABBE:

• Mannu Maganu noota ammanate daafira coyiꞌrannohu rosaminohu gara ikkinokki coyi hiikkoyeti?

• Rosiꞌne mine mayine rosiinsanni?

• Maganu noota ammanatto gede assinoheri maati?

• Maganu baalunkuri Kalaqaancho ikkinota wolu mannira xawisse kula dandaattohu hiittoonniiti?