Yesuusi uullate aanna noo yannara “Annakkinna amakki ayirrisi” yitanno hajajo lowo geeshsha hasiissannota ikkitinota coyiˈrino. (Fu 20:12; Mt 15:4) Yesuusi umisi annisiranna amasira ‘hajajamino’ daafira wolootuno tenne assitanno gede hajaja dandiino. (Lu 2:51)Yesuusi lophi gedensaannino amasira hedannota leellishino; isi reyihu gedensaanni amasi tawaatannoha qixxeessino.—Yoh 19:26, 27.

Xaa yannarano wedellu Kiristaani anninsaranna amansara hajajantenna awu afiinni hasaawisse insa ayirrissannota leellisha dandiitanno. Anninkeranna amankera woˈmanka wote hajajamma hasiissannonke. Insa geedhiro nafa hayyotenni amaalannonke amaale macciishshine ayirrinseemmonsata leellisha hasiissannonke. (La 23:22) Qoleno geedhino annankenna amanke hedonsa huwante woy woxu kaaˈlo hasiissannonsaha ikkiro kaaˈline ayirrinseemmonsata leellisha dandiineemmo. (1Xi 5:8) Wedellano ikkino jajjabba, anninkenna amanke ledo awu afiinni hasaawa hasiisannonke; tini insa ayirrinseemmota leellishshanno.

ANNIˈYANNA AMAˈYA LEDO HASAAWATE MAA ASSO? YITANNOTA WAAJJU SALEEDI VIIDIYO LAˈINI GEDENSAANNI, AANTE NOO XAˈMUWARA DAWARO QOLATE WOˈNAALLE:

• Annikkinna amakki ledo hasaawa qarrisannohehu mayira ikkara dandaanno?

• Annikkinna amakki ledo hasaawatto wote ayirrisattonsata leellisha dandaattohu hiittoonniiti?

• Annikkinna amakki ledo hasaawate woˈnaala kaaˈlitannohehu hiittoonniiti? (La 15:22)