HASIISSANNOHU MAYIRAATI? “Mannu wodanira noo hedo diimete wayi gedeeti;” xaˈmo qolte waa hinkiiˈlate kaaˈlanno uduunnichi gedeeti. (La 20:5) Xaˈmo hasaawinseemmo manchi hedo afate kaaˈlitannonke. Hayyotenni xaˈminoonni xaˈmora qollanni dawaro duucha wote dancha guma abbitanno. Yesuusi xaˈmo danchu garinni horoonsiˈrino. Ninke isi lawishsha harunsa dandiineemmohu hiittoonniiti?

TENNE ASSA DANDIINANNI GARA:

• Mannu Hedo afate kaaˈlitanno xaˈmuwa xaˈme: Yesuusi rosaanosi hedo afate xaˈmuwa horoonsiˈrino. (Mt 16:13-16; be-AM 238 guf. 3-5) Mannu hedo afate hiikkuri xaˈmuwa xaˈma dandaatto?

• Hasiˈnoonnire rosiisate kaaˈlitanno xaˈmuwa xaˈme: Yesuusi Pheexiroosi seejjate xaˈmo xaˈmino; tini Pheexiroosi hedosi biddi assiˈranno gede kaaˈlitinosi. (Mt 17:24-26) Atino mannu huwatara hasiˈroottore rosiisate hiikkuri xaˈmuwa horoonsiˈra dandaatto?

• Hasaawissinanni mancho galatte: Yesuusi seeru rosiisaanchi “wodaninni hede qolinosita” afe galatinosi. (Maq 12:34) Mittu manchi xaˈmootto xaˈmora dawaro qoliro galata dandaattohu hiittoonniiti?

YESUUSI LOOSINO LOOSO LOOSSE—ROSIISSE YITANNO VIIDIYOHA UMI GAFA LAˈINI GEDENSAANNI, AANTE NOO XAˈMUWARA DAWARO QOLATE WOˈNAALE:

• Tenne viidiyora laˈini rodii halaale rosiisinoha ikkirono rosiisate horoonsiˈrino hayyo dancha diˈˈikkitino yineemmohu mayiraati?

• Rosiinseemmo wote halaale calla kule aguratenni hakkii sainore assa hasiissannonkehu mayiraati?

YESUUSI LOOSINO LOOSO LOOSSE—ROSIISSE YITANNO VIIDIYOHA LAYINKI GAFA LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALE:

• Roduu xaˈmuwa danchu garinni horoonsiˈrinohu hiittoonniiti?

• Roduu rosiisino garinni wolere maa ronseemmo?