Yesuusi gufiˈranna wolu mannira guficho ikka lowo geeshsha busha ikkitinota lawishshunni rosiisino.

18:6, 7

• Woloota “soˈrisiisa” woy guficho ikka yaa mittu manchi gara ikkinokkire woy amanyoote bainore assanno gede woy cubbo loosanno gede assate

• Mittu manchi wolu manchira guficho ikkante, lowo daamma haxote usudhe baaru diimera bairo woyyanno

18:8, 9

• Yesuusi rosaanosi angate woy illete gede lowo geeshsha hasiisannore ikkirono guficho ikkannonsaha ikkiro huntanno gede amaalino

• Kuri lowo geeshsha hasiissanno coyibba agura gimbe hegere bao riqibbannota Gaannaame eˈnante, kuri coyibba hoonge Maganu Gashshoote ragiˈnummoro woyyanno

Heeshshoˈya giddo guficho ikkannoeri maa ikkara dandaanno? Umiˈyarano ikko wolu mannira guficho ikkeemmokki gede qoropha dandeemmohu hiittoonniiti?