Maganu Mangiste agadhitine mageeshshi yanna keeshshitinoonni? Qarra ikkannori heeˈrirono cincitine agadhitinanni heedhinoonni? (Ro 8:25) Mito Kiristaana mannu giwinonsa, gara ikkinokkire assinonsa, usurroonninsa mito isinni shinoonninsa. Wolu batinyu Kiristaani biso assiˈrino dhibbi waadannonsata woy geedhimma abbitanno qarra dandee heeˈranni no.

Addi addi qarri tuncu yiinkerono cincine agadhate kaaˈlannonkeri maati? Barru baala Qullaawa Maxaafa nabbambenna seekkine hiincine ammananke kaajjishiˈra hasiissannonke. Hexxonke aanna illachisha hasiissannonke. (2Qo 4:16-18; Ib 12:2) Yihowa huuccattotenni eegamanna qullaawu ayyaanisi wolqa aannonke gede huucciˈra hasiissannonke. (Lu 11:10, 13; Ib 5:7) Baxillaanchu anninke ‘cincatenni baalanka coye hagiirrunni dandiine’ agadhineemmo gede kaaˈlannonke.—Qo 1:11.

“CINCATENNI JAWAANTE DODA HASIISSANNONKE”—BAˈRAAˈRA ADHITINANNITA HULUULLANTINOONTE YITANNO VIIDIYO LAˈINI GEDENSAANNI AANTE NOO XAˈMUWARA DAWARO QOLLE:

• Hendoommokkiri mayi iillankera dandaanno? (Ros 9:11)

• Qarru iillannonke woyite huuccatto kaaˈlitannonkehu hiittoonniiti?

• Yihowara bashsho geeshsha soqqama hoongummoro, xa assa dandiineemmori aanna illachisha hasiissannonkehu mayiraati?

• Baˈraaˈra adhineemmota huluullammeemmokki gede kaaˈlannonkeri maati?