HASIISSANNOHU MAYIRAATI? Mannu gatate Yihowa suˈma woshsha hasiissannonsa. (Ro 10:13, 14) Ikkirono Qullaawa Maxaafa rosate sumuu yaannohu baalu Yihowa biddishshi garinni heeˈra hasiˈrannoha diˈˈikkino. Soqqammeemmo woyite Yihowa hagiirsiisate addinta heeshshonsa biddi assiˈra hasidhannore kaaˈlate muxxe yannanke woyyino garinni horoonsiˈneemmo. Mittu Qullaawu Maxaafi rosaanchi ayyaanaamittetenni lophannokkiha ikkiro, hayyotenni iso agurre Yihowa isiwanna dirijjitesiwa dagganno gede assannore hanse kaaˈlate sharrammeemmo. (Yoh 6:44) Ikkirono xiinxallisa agurrummo manchi galagale ‘hegere heeshsho afiˈrate gara ikkitinoti wodanu dooˈˈo noosita’ leellishiro wirro Qullaawa Maxaafa xiinxallinseemmosi.—Soq 13:48.

TENNE ASSA DANDIINANNI GARA:

• Qullaawu Maxaafi rosaanchi halaalaancho egenno afiˈra hasiˈrinotera galattesi.—1Xi 2:4

• Rosinore loosunni leellisha mayi horo afidhinoro kullesi.—Lu 6:46-49

• Yesuusi wixu daafira kulino lawishshire hasaabbe; hattono agure badhera higanno gede assasira dandaannori maatiro xaˈme.—Mt 13:18-23

• Qullaawa Maxaafa xiinxallisa agurattohu mayiraatiro hayyotenni kulisi

• Mito woyite silke dowwolte jawaachishattositanna albillitte ayyaanaamittetenni lophannoha ikkiro wirro Qullaawa Maxaafa xiinxalla hanafa dandaannota kulisi

AYYAANAAMITTETENNI LOPHANNOKKIHA QULLAAWU MAXAAFI ROSAANCHO XIINXALLISA AGURA YITANNO VIIDIYO LAˈINI GEDENSAANNI AANTE NOO XAˈMUWA XAˈMI:

• Kuni hasaawi Qullaawu Maxaafi rosaanchi ayyaanaamittetenni lophanni nookkita leellishannohu hiittoonniiti?

• Halashshaanchu, Qullaawu Maxaafi rosaanchi mitore biddi assiˈra hasiissannosita huwatanno gede kaaˈlinosihu hiittoonniiti?

• Halashshaanchu, Qullaawu Maxaafi rosaanchi albillitte xiinxalla hasiˈriro xiinxalla dandaannota leellishshinohu hiittoonniiti?