Biifado awawa, beeddahe woˈmitino gordo hattono luulanni dirranno fooncho laˈinanni woyite Kalaqaanchu looso ikkinota wodanchitinanni? Qooxeessinkera noo kalaqami leeltannokkita Yihowa akatta leellishanno. (Ro 1:20) Illenkenni laˈnoommore taxxi yine hende, Maganu wolqa, baxillesi, hayyosinna taashshosi hattono shaqqillesi huwanteemmo.—Fa 104:24.

Barru baala laˈinannihu mitu Yihowa kalaqami maati? Heedhinannihu katamaho ikkiro nafa, ceanna haqqe laˈˈa dandiitinanni. Yihowa kalaqama seekkine laˈˈanke quwa saˈne yaandeemmokki gedenna roore hasiisanno coyi aana illachinsheemmo gede kaaˈlitannonke; hattono isi hegerera towaatankera dandaannota albinni roore ammanneemmo gede assitannonke. (Mt 6:25-32) Qaaqquullu nooˈneri, qaaqquulliˈne taalle nookkita Yihowa akatta laˈanno gede kaaˈlensa. Qooxeessinkera noo kalaqama albinni roore naandeemmoha ikkiro Kalaqaanchinkewa shinqeemmo.—Fa 8:3, 4.

MAGANUNNITI DHAGGETE KALAQO AYIRRINYESI LEELLISHSHANNO—XAWAABBANNA KUULA YITANNO VIIDIYO LAˈINI GEDENSAANNI AANTE NOO XAˈMUWARA DAWARO QOLLE:

• Addi addi kuula laˈneemmohu mayiraati?

• Mitu kuuli laˈneemmo ragi garinni sorramannohu mayiraati?

• Gordoho nooha addi addi kuula laˈneemmohu mayiraati?

• Miniˈne mule laˈinannihu biifado kuula afiˈrino kalaqami maati?

• Kalaqama seekkine laˈˈate yanna gaaˈma hasiissannonkehu mayiraati?