Qullaawu Maxaafi giddo Sheexaanu soqqanshonkera guficho ikkate dartu iillannonke gede assannota masaalloonni. (Yoh 15:20; Aj 12:17) Dartu iillannonsare wole gobbara noo roduuwanke kaaꞌla dandiineemmohu hiittoonniiti? Insa daafira huuccatto assa dandiineemmo. “Keeraanchu manchi huuccatto, lowo guma uyitannota jawa wolqa afidhino.”—Ya 5:16.

Mayine huucca dandiineemmo? Yihowa roduuwinkera jawaante aannonsa gedenna waajjitannokki gede kaꞌlannonsa gede huucca dandiineemmo. (Is 41:10-13) Qoleno “keerunnitanna gaꞌlabbitte heeshsho heeꞌneemmo gede” gobba gashshitinori sabbakate loosinkera dancha lao heedhannonsa gede huucca dandiineemmo.—1Xi 2:1, 2.

Phaawuloosiranna Pheexiroosira dartu iillinsa yannara, umi xibbi diri Kiristaani insa daafira suꞌmansa gane huuccino. (Soq 12:5; Ro 15:30, 31) Yannankera dartu iillannonsa roduuwi baalu suꞌma afa hoongummoro nafa, songonsa woy gobbansa qummi assine huucca dandiineemmo.