Ati cuuamoottokki halashshaanchooti? Woy Qullaawa Maxaafa xiinxallitanni noottoho? Hatto ikkiro, cuuamate mixo noohe? Cuuama hasiissannohehu mayiraati? Ateneeto Yihowara sayisse aanna cuuama, isi ledo baxxino jaalooma kalaqiˈratto faro fantannohe. (Fa 91:1) Qoleno gato afiˈratto gede assitannohe. (1Ph 3:21) Heeshshokki Yihowara sayisse aatenna cuuamate deerra iilla dandaattohu hiittoonniiti?

Rossanni noottori halaale ikkinota buuxi. Huluullitannohe xaˈmo heedhuro, dawaro afiˈrate seekkite xiinxalli. (Ro 12:2) Heeshshokki giddo biddi assiˈra hasiissannohere badde afate woˈnaali. Heeshshokki biddi assiˈratto woyite, hasattokki Yihowa hagiirsiisa ikkitinota deˈooti. (La 27:11; Ef 4:23, 24) Kaaˈlannohe gede woˈmanka woyite Yihowa huucciˈri. Yihowa wolqaataamo qullaawa ayyaanasi oye jawaachishannohetanna kaaˈlannoheta huluullantooti. (1Ph 5:10, 11) Yihowa hagiirsiisate assattori gaabbisannore diˈˈikkino. Yihowara soqqammanni heeˈra wole baalantenni roortino heeshshooti!—Fa 16:11.

CUUAMATE WIDIRA MASSITANNO DOOGO YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Mitootu cuuamate hiikkonne guficho ikkanno coye qeelte saˈino?

• Ateneeto Yihowara sayisse aate hasiissannohe ammana afiˈra dandaattohu hiittoonniiti?

• Mitootu cuuamate assa hasiissannonsare assitanno gede kakkayisinonsari maati?

• Yihowara soqqama doodhitannori afidhanno atooti maati?

• Meessaneeto Maganoho sayise aanna cuuama yaa mayyaate?