Barru barrunku duha ikkannohe qarri maati? Ati loosu qalxe amadinoheho maatete umooti? Maate callikki towaaxxate sharrantanni nootto annaati woy amaati? Rosu mine darawokki waaddannohe wedellichaati? Ordu fayyimma hoongi woy diru akkalle qarrissinohe? Ninke baalunkura qarru iillannonke. Gamete aana gami-tokke yinannihu gede, batinyu Kiristaanira qarru aana aanaho iillannonsa. Ikkollana, muli yannara konni baalunku qarrinni fulleemmota anfoommo.—2Qo 4:16-18.

Hakka geeshsha kayinni, Yihowara qarrinke leellannosita, isi ammanamankenna cincanke naadannota, hattono albillittete kiirre tunqannikki atoote qixxeessinonketa afanke sheshifachishshannonke. (Er 29:11, 12) Yesuusino ninke mittu mittunku qarra afino. Isi uyinonke hajajo wonshineemmo woyite, ‘ninke ledo heeˈrannota’ kule qaale eino. (Mt 28:20) Albillitte Maganu Gashshooti giddo afiˈneemmo wolapho hiincineemmo woyite, hexxonke kaajjitanno; qoleno xa iillannonke qarra cincate albinni roore murciˈneemmo.—Ro 8:19-21.

DAMBALU SHIQE DAANNO WOYITE, ILLEˈNE YESUUSI AANINNI HOOLTINOONTE!—ALBILLITTE AFIˈNEEMMO ATOOTE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Mannu ooso Maganuwiinni xeertidhinohu hiittoonniiti? Tini mayi qarra abbitino?

• Yihowara ammanantinori albillitte afidhanno atooti maati?

• Albillitte hagiirsiissanno heeshsho ragiˈneemmo gede assannonkeri maati?

• Albillitte daggannote haaro alamera maa afiˈrate halchatto?