Heeˈnoommo alame busha danchaho, dancha bushaho yitannote. (Is 5:20) Mitu manni Yihowa giwannore lawishshaho, meyati meyate ledo woy labbaahu labbaahu ledo maaeela coye assanno. Muxxe wedellootanke, rosu mini darawonsa woy wolu manni insa ikkitannota ikkitanno gede xixxiiwannonsa. Oosoˈne togoo fonqolo qeelte saˈanno gede kaaˈla dandiitinannihu hiittoonniiti?

Oosoˈne Yihowa seeri daafira egenno afidhanno gede kaaˈlensa. (Le 18:3) Qullaawu Maxaafi siimu xaadooshshi daafira mayyaannoro, dirinsa garinni gafu gafunni rosiissensa. (Mar 6:7) Kiˈneneeto togo yitine xaˈme: ‘Oosoˈyara gara ikkino baxille leellishate yaa mayyaatero, bikkunni uddiˈra hasiissannohu mayiraatiro, wolu manni asse yiinsaro assa hasiissannonsakkiri maatironna mannu noowa assa hasiissannonsakkiri maatiro rosiisoommo? Oosoˈya, mittu manchi teeda baˈino misilla leellishansara woˈnaaliro, woy Yihowa giwannore asse yiinsaro maa assa hasiissannonsaro affino?’ Oosoˈne balaxxe egenno afiˈransa, lowo qarrinni gatissannonsa. (La 27:12; Ros 7:12) Oosoˈne rosiisaˈne, Yihowa uyinoˈneta muxxe elto naaddinannita leellishshinanni doogooti.—Fa 127:3.

KAAJJE UURRANNO MINE MINNE—QAAQQUULLEˈNE ‘BUSHU COYINNI’ AGARRE YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Mitootu oosonsara siimu xaadooshshire rosiisate hobbi ruxxi yitannohu mayiraati?

• Annuwunna amuuwu oosonsa ‘Yihowa amaalenni seejjitanni lossa’ hasiissannonsahu mayiraati?—Ef 6:4

• Annuwunna amuuwu oosonsara siimu xaadooshshire rosiissanno gede kaaˈlate Yihowa dirijjite maa qixxeessitino?—w19.05 12, saaxine

• Oosoˈnera qarru iillinsakkinni balaxxine woˈmanka woyite insa ledo hasaawa rosa hasiissannoˈnehu mayiraati?