Qullaawu Maxaafi rosaano Yihowa jaala ikkate dancha jaalla doodha hasiissannonsa. (Fa 15:1, 4) Dancha jaalla gara ikkinore assitanno gede kaaˈlitannonsa.—La 13:20; lff roso 48.

Rosaanoˈne busha jaalooma qorophitanno gede kaaˈlitinanninsa woyite marartinannire ikke. Insara busha jaalla agura qarra ikkitansara dandiitanno. Hakko daafira, Qullaawa Maxaafa xiinxallissinannikki yannarano insara addinta heddinanninsata leellishshe. Lawishshaho, sokka borreessitine, silke dowoltine woy noowa martine xaˈmitinansara dandiitinanni. Rosaanoˈne ayyaanaamittetenni lophitanno woyite, roduuwu gamba yite boohaartanno yannara koyissinansara dandiitinanni. Hakkiinni insa agurtino coyinni lowo geeshsha roorannore afidhinota huwattanno. (Marq 10:29, 30) Kiˈneno Yihowa maate lexxitanna laˈinanni woyite lowo geeshsha hagiidhitinanni.

QULLAAWU MAXAAFI ROSAANOˈNE BUSHA JAALOOMA QOROPHITANNO GEDE KAAˈLENSA YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Bushu jaaloomi hiittooho?—1Qo 15:33

• Jeedi Yihowa Farciˈraasine boohaartannohu hiittoonniiti yite heddino?

• Niita, Jeedi busha jaalla bayicho dancha jaalla afidhanno gede kaaˈlitinosehu hiittoonniiti?