Yihowa woˈmanka woyite ninkera woyyannore afino? Ee afino! Tenne ammanneemmo daafira, Yihowa aannonke biddishsha harunsine hayyo noonketa leellinsheemmo. (La 16:3, 9) Ikkirono, isi aannonke biddishshi ninke hedonni baxxanno woyite konne biddishsha addaxxa qarra ikkitankera dandiitanno. Yihowa kalaqinori daafira hiincine hayyosi albinni roore addaxxa dandiineemmo.—La 30:24, 25; Ro 1:20.

KALAQINOHU NO? GOOXAAMU RUUKKASHSHO DOOGORA HAˈRA DANDAANNOHU HIITTOONNIITI? YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Rooru gooxaami barru baala assannori maati?

• Gooxaamu ruukkashsho doogora haˈra dandaannohu hiittoonniiti?

• Gooxaamu bayichunni bayicho haˈranno gara lae mannu maa rosa dandaanno?

KALAQINOHU NO? DIISHSHICHU QARRAMIKKINNI BUUWA DANDAANNO GARA YITANNO VIIDIYO LAˈINIHU GEDENSAANNI, AANTE NOO XAˈMUWARA DAWARO QOLATE WOˈNAALLE:

• Shiimmaadda horophilla oofanno mannira qarra ikkannonsari maati?

• Diishshichu hasiˈrino raga hige buuwa dandaannohu hiittoonniiti?

• Mannu diishshichu buuwanno gara lae albillitte maa assara dandaanno?

Heeˈratto qooxeessira kalaqamu Yihowa hayyo leellishannota wodanchoottohu hiittoonniiti?