Assineemmo coyi baalunkunni Yihowa hagiirsiisa hasiˈneemmo. (La 27:11) Tenne assate, konne asse woy konne assitinoonte yaanno seeri hooganno woyite nafa iso hagiirsiisanno doorsha doodha hasiissannonke. Tenne assineemmo gede kaaˈlannonkeri maati?

Ganyitine Qullaawa Maxaafa xiinxalle. Qullaawa Maxaafa nabbambummo kiiro Yihowa ledo yanna sayinsanni heeˈnoommo. Yihowa mannasi ma garinni towaatinoro hattono isi albaanni dancha woy busha coye assino manni lawishsha xiinxalline Yihowa hedo afa dandiineemmo. Mitto doorsha doodhate hendeemmo woyite, qullaawu ayyaani Maganu Qaalinni nabbamboommoha hasiisanno rosonna xintu seera qaangeemmo gede kaaˈlannonke.—Yoh 14:26.

Seekkitine xiinxalle. Mitto doorsha doodhattora albaanni ateneeto togo yite xaˈmi: ‘Yihowara konni coyi daafira noosi lao huwanteemmo gede kaaˈlannoe qummeeshshi woy Qullaawu Maxaafi xagge hiitteeti?’ Kaaˈlannoˈne gede Yihowa huuccidhe; hattono kiˈnera kaaˈlannoˈneha Qullaawu Maxaafiha xintu seera afiˈranna loosu aana hosiisa dandiitinanni gede nooha ikkiro kiˈne afiinni qixxeessinoonniha xiinxallote kaaˈlanno uduunne horoonsidhe.—Fa 25:4.

‘CINCATENNI JAWAANTE DODA’ HASIISSANNONKE—KIˈANNO SAGALE ITTE YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Viidiyote giddo laˈnummota wedellitte rodoo ma assitanno gede xixxiimboonnise?

  Dawarokki

• Kiˈneno togoore assitinanni gede xixxiimbanniˈne woyite xiinxallote kaaˈlanno uduunne horoonsiˈra dandiitinannihu hiittoonniiti?

  Dawarokki

• Yanna gaaˈmine seekkine xiinxalla kaaˈlitannonkehu hiittoonniiti?—Ib 5:13, 14

  Dawarokki