Maganu Qaali heeshshonke biddi assa dandaanno. (Ib 4:12) Ikkollana giddosi noo biddishshinninna amaalenni hoˈro afiˈrate Qullaawu Maxaafi ‘Maganu Qaale’ ikkinota ammana hasiissannonke. (1Te 2:13) Qullaawu Maxaafira noonke ammana kaajjishiˈra dandiineemmohu hiittoonniiti?

Qullaawa Maxaafa barru baala nabbawi. Nabbawatto woyite borreessiisinohu Yihowa ikkinota leellishshanno taje hasiˈri. Lawishshaho, lawishshu maxaafi giddo noo amaale xiinxalli hattono yannankerano kaaˈlitanno hayyo amadinota wodanchi.—La 13:20; 14:30.

Xiinxallate pirogiraame fushshiˈri. Qullaawu Maxaafi Maganu ayyaaninni borreessaminoha ikkinota leellishshanno taje buuxi. Yihowa Farciˈraasinete Xiinxallote Kaaˈlitanno Borrora, “Qullaawa Maxaafa” yaannohu hunda “Maganu Ayyaaninni Borreessamino” yaanoha lai. Qoleno Qullaawu Maxaafi sokka soorrantannokkita ikkitinota albinni roore ammana dandaatto gede Agarooshshu Shae Kiiro 4 2016 lai.

MAGANU QAALE AMMANA HASIISSANNONKEHU MAYIRAATI? YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Gibitsete Karnaaki yinanniwa anfoonni taje Maganu Qaali halaalaancho ikkinota leellishshannohu hiittoonniiti?

  Dawarokki

• Qullaawu Maxaafi sokka soorrantinokkita anfeemmohu hiittoonniiti?

  Dawarokki

• Qullaawu Maxaafi baikkinni gate saino gari, Maganu Qaale ikkinota ammanatto gede assannohehu hiittoonniiti?—Isayaasi 40:8 nabbawi

  Dawarokki