Tenne goofimarchu yannara lowo qarri iillannonke. Mito woyite iillinonke qarri wolqankera aleenni ikkinoha lawankera dandaanno. Ikkirono Yihowawa shinqummoro isi iillinonkeha buutote qarra nafa dandiine saˈneemmo gede kaaˈlannonke. (Is 43:2, 4) Qarru iillannonke woyite Yihowawa shiqa dandiineemmohu hiittoonniiti?

Huuccatto. Huuccattotenni giddonketa Yihowara hasaaphinummoro isi giddoyidi keerenna qarra dandiine saˈneemmo gede jawaante aannonke.—Fil 4:6, 7; 1Te 5:17.

Gambooshshe. Ayyaanaamittete sagalenna gambooshshunniwa roduuwinkewiinni afiˈneemmo jawaante albinni roore hasiissannonke. (Ib 10:24, 25) Gambooshsheho qixxaambeemmohanna dawaro qolleemmoha ikkiro, Yihowahu qullaawu ayyaani kaaˈlonni woˈma horo afiˈneemmo.—Aj 2:29.

Soqqansho. Woˈmanka woyite soqqansho fulate dandiinummore baala assineemmoha ikkiro, dancha danchare hendeemmo faro afiˈneemmo. Qoleno Yihowanna ammanate roduuwinke ledo noonke jaaloomi kaajjanno.—1Qo 3:5-10.

YIHOWA ANGA FANE HAAˈRANNOHE YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Mallu qarru iillise yannara Yihowawa gamba yite heedhanno gede kaaˈlinoseri maati?

  Dawarokki

• Mallu gede, Faarso 34:18 noo hedo qarru amadannonke yannara sheshifachishshannonkehu hiittoonniiti?

  Dawarokki

• Mallu woˈnaalshi Yihowa qarru amadannonke woyite “jawa wolqa” aannonketa leellishannohu hiittoonniiti?—2Qo 4:7

  Dawarokki