Badheessa 23nni Qaagooshshu Ayyaana ayirrisate 12 miliyoone ikkannohu woy hakkiinni rooranno wosini daanno yine hendanni. Insa, lallawo shiqishanno rodii Yihowa uyinote wodote eltorenna tenne elto widoonni albillitte mannu ooso afidhanno atootire farciꞌranna macciishshitanno! (Is 11:6-9; 35:5, 6; 65:21-23; Yoh 3:16) Ikkollana, konni baxxino ayyaanira daanno mannira farciꞌrannohu lallawo shiqishanno rodoo calla diꞌꞌikkino. Ninke baalunku daanno manna faasiinqe haaꞌne farciꞌra dandiineemmo. (Ro 15:7) Tenne assa dandiineemmota mite doogga laꞌno.

• Pirogiraame hanaffa geeshsha ofoltine agarantenni, wosina woy ayyaanaamittete shoshshoggitinore faasiiqqine keere haadhine hasaawisse

• Kiꞌne koyissinoonniha affinoonni manna illachishshinanniha ikkirono, zamachunni koyinseenna dayinoha wole mannano deꞌinoonte. muleꞌne ofoltanno gede asse. Hattono Qullaawa Maxaafanna faarsote maxaafaꞌne ledoꞌne horoonsidhanno gede asse

• Pirogiraame gooffuhu gedensaanni, mite xaꞌmo heedhusiro dawaro qollesi. Mangistete Addaraashe wole songo horoonsidhanno gede ranke fula hasiissannoha ikkiro mulenni xaaddine hasaawate dinye amadde. Teessosi affinoonnikkiha ikkiro, togo yaa dandiitinanni: “Gambooshshu hiittooti? Wole wote magarinni xaando?”