Ermiyaasi Yihudu manni Maganonsa Yihowa hawino daafira mulenni baˈˈannota kule qorowisiisanno gede hajanjoonnisi. (Er 13:25) Israeelete daga Yihowa hawate geeshsha iillitinohu hiittoonniiti? Israeelete maate ayyaanaamittetenni shoshshoggitino. Hatte yannara noo annuwi Marro 6:5-7 aana kulloonniha Yihowa biddishsha harunsitinokkiti egennantinote.

Yannankera ayyaanaamittetenni jawaattino maate, songuwano kaajjitanno gede assitanno. Annuwu ganyite hagiirsiissannota Maatete Magansiˈra assidhannoha ikkiro, maatensa Yihowa qaagganno gede kaaˈla dandiitanno. (Fa 22:27) “Tenne Hajajo Wodanikkira Wodhi”—Maate Xaˈminoonnita Qaalu Xaˈmo” yitanno viidiyo laˈini gedensaanni aante noo xaˈmuwara dawaro qolle:

• Mite maatera, maatete magansiˈra assiˈra qarra ikkitannonsa yannara kaaˈlinonsari maati?

• Hagiirsiissannota Maatete Magansiˈra ganyine assiˈra afidhino horo giddo mite hiitteeti?

• Maatete magansiˈra assiˈra qarra ikkitannoe gede assinoeri maati? Konne qarra qeelate maa assa dandiineemmo?