Lawishsha Ikkannoha Hasaawu Bitima
AGAROOSHSHU SHAE
Xaˈmo: Maganu uyinonke elto baalanta roortannoti hiittee labbannohe?
Qummeeshsha: Yoh 3:16
Borro Elate: Tini Agarooshshu Shae, Maganu Yesuusi ninkera yee reyanno gede uullara soyinohu mayiraatironna ninke tenne elto naandeemmota leellisha dandiineemmohu hiittoonniitiro kultanno.
MAGANU MANGISTE MAATI? (T-36)
QAAGOOSHSHU AYYAANIHA KOYISHSHU WORAQATA
Borro Elate: Dotteessa 3, 2009nni ayirrinsannihu mittu baxxino ayyaanira daara manna koyinsanni heeˈnoommo. [Koyishshu woraqata uyi.] Hakko barra alame woˈmate lowo miliyoone ikkanno manni, Yesuusi Kiristoosi Reyo Qaagooshshe ayirrisatenna isi reyo kaaˈlitannonke gara kultannota Qullaawu Maxaafi aana xintantino lallawo woxe baatikki macciishshate gamba yaanno. Kuni koyishshu woraqati ninke qooxeessira konne ayyaana ayirrinsanni saatenna bayicho kulanno. Konni ayyaanira atino dayittoro tashshi yaannonke.
UMIKKIHA HASAAWU BITIMA QIXXEESSIˈRI
Aleenni noo lawishshuwa horoonsidhe umikkiha hasaawu bitima qixxeessi’ri.