‘Baqqi Yitine Agadhe’
Yesuusi tonne seenni lawishsha coyiˈrinohu buuramino Kiristaanira ikkirono qara sokka baalunku Kiristaani harunsa hasiissannote. (w15 3/1 13-17) ‘Konnira, barranna saate diaffinoonnina jaattine [woy baqqi yitine] agadhe!’ (Mt 25:13) Yesuusi coyiˈrino lawishsha xawisa dandaatto?
-
Idayicho: (kir. 1)—Yesuusa
-
Qixxaawe agadhinoha busuloota seenne (kir. 2)—Uyinoonninsa looso ammaname loosate qixxaawinohanna gumulote geeshsha caabbicho xawisannoha buuramino Kiristaana (Fil 2:15)
-
‘Kuneeti, idayichu dayino!’ yaanno canco (kir. 6)—Yesuusi bayichosi amadinota leellishshanno taje
-
Gowwoota seenne (kir. 8)—Idayicho haaˈrara fulinoha ikkirono feeffate agadhannokkihanna ammaname heeˈrannokkiha buuramino Kiristaana
-
Busulootu seenni zayite aa giwansa (kir. 9)—Gumulote sumuda sumundi gedensaanni ammanaminohu buuramino Kiristaani ammanamikki gatinoha buuramino Kiristaana kaaˈlanno yanna diheedhanno.
-
‘Idayichu dayi’ (kir. 10)—Yesuusi bayiru qarri gumulamara kaˈˈanno yannara yoo yaara daanno
-
Busulootu seenni, idayicho haaˈre ledosi jilaho eˈˈeenna cufana cunfi (kir. 10)—Yesuusi ammanaminoha buuramino Kiristaana iimira haaˈranno; ammanamikki gatannohu buuramino Kiristaani kayinni iimi baˈraarsha adhikki gatanno