• Sokka adhannohu hoogiro galagalte higgannohe gede teessokki borreessa dandaatto. Teessokki borreessa didanchate yite hedattoha ikkiro, songote cimeeyye fajjo xaꞌmittohu gedensaanni Gambooshshu Addaraashe teesso borreessa dandaatto. Ikkollana sinu biiro teesso HORONTA borreessa dihasiissannohe.

• Afoottoha ikkiro adhanno manchi suꞌma borreessi. Togo assakki adhanno manchi isira sonkoonnita ikkitinota bade afanno gede assitanno.

• Borreessatto woyite fidalla, afuu jirtenna addi addi malaatta soꞌrattokki gede qorophi. Borrote sokka xurtinokkita ikka hasiissannose. Angatenni borreessattoha ikkiro nabbawantanno gede assite borreessi. Borreessatto woyite haariimo lawisittokki lowo geeshshano duuꞌrittokki borreessi.

Aante nooti lawishsha ikkitannote borrote sokkaati. Borrote sokka borreessatto woyite noo gedeenni konni garinni borreessa hasiissannohe yaa diꞌꞌikkino. Borreessatto woyite hajose garinni woy qooxeessaho borreessinanni budi garinni borreessi.