Illete leellannori laˈˈanno manchi quqquxame laˈˈanno gede, rosinore wodanchannonna qaaganno gede kaaˈlanno. Bayiru rosiisaanchinke Yihowa lowo geeshsha hasiisanno roso rosiisate, illete leellannore horoonsiˈrino. (Ka 15:5; Er 18:1-6) Yesuusino illete leellannore horoonsiˈre rosiisino. (Mt 18:2-6; 22:19-21) Lowo geeshsha kaaˈlannohu illete leellannori giddo muli yannanni kayinse horoonsiˈnanni heeˈnoommoti mitte viidiyote. Qullaawu Maxaafi rosaanoˈne rosiissinanni woyite viidiyo horoonsidhinanni heedhinoonni?

Maganuwiinni Dayinoha Dancha Duduwo! yitanno biroshere rosiisate kaaˈlitannota tonne viidiyo qixxeessinoonni. Mitte mittente viidiyo suˈmi birosherete giddo duˈminse borreessinoonni xaˈmo ledo xaadannoho. Tenne biroshere jw.org aana horoonsiˈnanniha ikkiro mitte mittenta viidiyo mamoote leellinshanniro qaagate kaaˈlitanno linke no. Qoleno, addi addite Rosiisate Horoonsiˈneemmo Borro ledo horoonsiˈneemmo gede qixxeessinoonniti wole viidiyubbano no.

Rosaanoˈne ledo huwatate qarrissinonsata Qullaawu Maxaafi hedo kayissine hasaabbinanninso rosaanchiˈne leella giwinosi coyi ledo sharramanni no? Iso kaaˈlitasira dandiitanno viidiyubba jw.org® nna JW Biroodikaastete giddonni hasse. Qullaawa Maxaafa rosiisattohu ledo viidiyo laˈˈanna ise daafira hasaawa dandaatto.

Aganu kiiro haaro viidiyubba fultanno. Kuri viidiyubba laˈinanni woyite woloota rosiisate horoonsiˈra dandiitinannihu hiittoonniitiro hedde.