HASIISSANNOHU MAYIRAATI?: Ille ballinohu lowo manni afinokki manna diammaˈnanno. Hakko daafira togoo mannira farciˈrate dandoo hasiissanno. Yihowa ille ballitinore baxannonsata leellishino. (Le 19:14) Ninkeno uminkenni kaˈne ille ballitinore ayyaanaamittetenni kaaˈline Yihowa lawishsha harunsa dandiineemmo.

TENNE ASSA DANDIINANNI GARA:

• Ille ballino manna “buuxxe [hasse].” (Mt 10:11) Maatensa giddo ille ballinohu noohu affinoonni manni no? Qooxeessiˈnera, ille ballino mannira qixxeessinoonni borro adha hasiˈrannohu rosu mini, geerra towaantanni minna woy wole dirijjitta no?

• Heddinanninsata leellishshe. Jaalu gede ikkitine lowonta heddinanninsata leellishanno garinni hasaawisaˈne ille ballitinori waajjitannokki gede kaaˈlitannonsa. Hasaawa hasidhanno birxicho kayissine hasaawate woˈnaalle

• Ayyaanaamittetenni kaaˈlensa. Yihowa dirijjite xunsite laˈˈa dandiitannokkire kaaˈlate borro addi addi garinni qixxeessitino. Ille ballitinori ma garinni rosa hasidhannoro xaˈme. Soqqanshote aliidi laˈˈaanchi borrote kifilera loosanno rodii ille ballino mannira injaanno garinni qixxeessinoonni borro hajajanno gede assa hasiissannosi