“Hagiirraamu Magani” Yihowa soqqanshonkenni hagiirre afiˈnammora hasiˈranno. (1Xi 1:11, NW) Soqqanshonke dandoo woyyeessiˈnummo kiiro hagiirrinke lexxanno. Xaˈmo xaˈma mannu afa hasiˈranno gede assitara dandiitanno hattono hasaawa hanafate kaaˈlitanno. Xaˈmo mannu mitto coye heeshshi gotti asse hedanno gede assitanno. (Mt 22:41-45) Mitto mancho xaˈmo xaˈmine dawaro qolanna macciishshineemmoha ikkiro, ‘Ani ate daafira hedeemmo’ yinanni heeˈnoommohu gedeeti. (Ya 1:19) Isi qolanno dawaro danchu garinni hasaawinseemmo gara afate kaaˈlitankera dandiitanno.

MANNA ROSAANO ASSATE LOOSINNI HAGIIDHE—DANDOOˈNE WOYYEESSIDHE—XAˈMO XAˈMA YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Jeedi hiitti dancha akatta nooseta leellishshino?

• Niita, Jeedi kaaˈlate xaˈmuwa xaˈmitinohu hiittoonniiti?

• Niita, Jeedi danchu duduwira noose hasatto lexxitanno gede assate xaˈmuwa horoonsidhinohu hiittoonniiti?

• Niita, Jeedi heeshshi gotti assite heddanno gede kaaˈlate xaˈmuwa horoonsidhinohu hiittoonniiti?