Israeelete dagara Moaabi xawira iillinonsarinni Kiristaanu lowore rosanno. (1Qo 10:6, 8, 11) Foorannohunna kaphu maganna magansiˈrannohu Moaabi meentiwa aantino Israeele doogante shota ikkinokki cubbo loossino. Tini lowo qarra abbitino. (Ki 25:9) Hatteente gede, ledonke loosannonna rosanno manni, olliichinke, fiixinke woy wolu egenninoommo manni Yihowa magansiˈrannokkiha ikkara dandaanno. Israeelete xagge togoo manniwa aana gawajjitannota leellishannohu hiittoonniiti?

BUSHA DOOGO QOROPHINEEMMO GEDE ROSIISSANNO LAWISHSHUWA—MURRE HAAˈNOONNITA YITANNO VIIDIYO LAˈINIHU GEDENSAANNI AANTE NOO XAˈMUWARA DAWARO QOLATE WOˈNAALLE:

• Zimiirinna wolootu Yamiinira gara ikkinokkire kultinosihu hiittoonniiti?

• Finihaasi, Yamiinira gara ikkitino lao heedhannosi gede kaaˈlinosihu hiittoonniiti?

• Yihowa magansidhannokkirira danchare assatenna insa jaalla ikkate mereero noo badooshshi maati?

• Songote giddonni nafa jaala doodhineemmo woyite qoropha hasiissannonkehu mayiraati?

• Dagoomittete webisayite widoonni anfoommokki manni ledo hasaawa hasiissannonke?